大陸買樓 高層 8字尾樓層未必好 揀樓貼士大公開 | 置業入門 | 內地樓市2018

大陸買樓 高層 8字尾樓層未必好 揀樓貼士大公開 | 置業入門 | 內地樓市2018

【大陸買樓 揀樓貼士】很多朋友到大陸買樓,都會用香港人的眼光去睇、去揀,好似要好近地鐵站啦,要高層啦,又或者搶住要8樓、18樓等等,原來內地買家未必咁諗,下手買家未必鍾意喎!

撰文:1%Anthony  |圖片:網上圖片

香港朋友: 你屋企近唔近高鐵站架?
內地朋友: 好近架,大約3公里。
香港朋友: 行路過去要幾耐呀?
內地朋友: 行?點解要行?
香港朋友: 行路都去得到唔便啲咩?
內地朋友: 你估呢度深圳咩?個個都楂車架!
香港朋友: 如果唔楂車呢?
內地朋友: 滴滴囉…行?一聽就知係香港人,哈哈!

點解要知內地買家口味?

買大陸樓是為了投資,將來要賣給內地人嘛!

很多朋友到大陸買樓,會用香港人的眼光去睇、去揀,自住當然問題不大,但如果是投資,就要從租客、從下手買家的角度想,將來才能賣個好價錢。每個地方都有自己的文化,揀樓口味大有分別,今次分享一些最近睇樓見到的一些有趣大不同。

朋友: 仲有咩單位淨呀?
代理: 高層、低層都有幾個單位可以揀。
朋友: 高層單位貴幾多呢?
代理: 高層、低層都平啲架,中層最貴…

大陸買樓 高層 8字尾樓層 近地鐵站 置業 貼士
每個地方都有自己的文化,揀樓口味大有分別,購買前要先解內地買家口味。

大陸買樓 高層唔一定越受歡迎

香港買樓,越高層越受歡迎,價錢也越貴,當然啦…香港居住環境稠密嘛,高層單位一般會比較開揚。然而在大陸,尤其是二、三線城市,居住環境並不稠密,沒有必要追求高層,尤其是頂樓單位,通常都會留到最後幾個才賣掉。

對於低層單位,內地買家也不見得很抗拒,除非是最一、兩層,尤其是向內園單位,更受歡迎,有位內地朋友在同一幢樓持有兩個單位,一個5樓、一個10樓,最近他賣了其中一間套現,首先選擇10樓甩手,情願留5樓。

代理: 7樓、8樓都有…
香港朋友: 梗係8樓啦!
內地朋友: 梗係7樓啦!

大陸買樓 高層 8樓 近地鐵站 置業 貼士
香港買樓,越高層越受歡迎,但大陸買樓高層唔一定越受歡迎。

大陸買樓 以為發發聲好意頭?未必!

筆者初次聽都覺得有點奇怪,中國人不是很重視意頭嗎?8樓喎,發喎,點解揀7樓呢?

內地朋友說:「七上八落嘛!」況且普通話發音跟廣東話不同,跟「發」好像沒有太大聯想。
除了7、8,香港人也很喜歡18,簡直是買樓首選啦,「實發」嘛,但是內地朋友也不喜歡:「十八層地獄有乜咁好?」咁都得?真係諗都冇諗過!不過又咁講,個別內地買家的想法,又唔代表所有內地人的,每個城市都有自己的文化。

大陸買樓 高層 8樓 近地鐵站 置業 貼士
每個城市都有自己的文化,內地人不喜歡選購8字尾樓層。

大陸買樓 好近地鐵站不如好社區

篇幅所限,不能盡錄,講番前文提到的…距離。

大城市跟二、三線城市不同,深圳與香港比較接近,人多、樓多,地鐵網絡完善,很多人出入都搭地鐵,所以買樓有時都會跟香港人一樣,考慮與地鐵之間的距離,行去地鐵站要多少時間。

然而在二、三線城市,地方比較大,屋苑也比較有規模,居住環境也更舒適。

大陸買樓 高層 8字尾樓層 近地鐵站 置業 貼士
大陸地鐵站跟民居有點距離是正常的事,所以在大陸買樓近地鐵站不如近社區。

相反地鐵線沒那麼完善,可能只有一、兩條線,所以跟地鐵站有點距離是正常的事。由於地方大、車位足,家家戶戶都有車,買家揀樓,不介意稍為遠些少,最重要揀一個自己喜歡的小區,由屋苑的大門,走到自己那一幢大廈,隨時都要10分鐘,所以很少人會問,走路到高鐵站、地鐵站要多久,在附近就好了。
還有很多很多有趣的大不同,有機會再分享。

編按:【有樓萬事足】、【Ben Sir睇樓團】等顧問,《買樓財富十級跳》、《買樓上車防中伏》等作者,十年間,由負債累累的窮忙族,變出雙位數物業。「1% 投資培訓學院」創辦人,2009年全港首創地產投資課程,學員數千人,多年來協助無數年青人成功上車,無數小業主賺取千萬資產財務自由,近年更與戰友大舉進軍 “工廈” 及 “大陸樓” 市場。

The user will never see this