人生荊棘是成功轉捩點 被動只會步向失敗|Purple弟弟|網民熱話

人生荊棘是成功轉捩點 被動只會步向失敗|Purple弟弟|網民熱話

網民熱話人生不得意事十常八九,呢句我由細聽到已經心生疑惑!點解一句咁廢嘅句子都可以講得出口,邊個唔知道做人唔係一帆風順。直至長大後,對呢句說話又有另一番體會,「不得意」嘅事,的確係日日都出現緊,問題係我哋有冇珍惜,定純粹每次都係唔開心就完事。現實中好多人順風順水唔珍惜,但更多嘅係唔珍惜遇上荊棘。

撰文:Purple弟弟 | 圖片:unsplash

被動係失敗嘅原因

喺我講點解要珍惜不如意事之前,唔知大家有冇留意到其實我哋大部分人都係屬於「被動」派。

想轉工,因為頂唔順上司,但一而再再而三咁忍住,終於第四次俾人逼到走投無路先肯搵工。

話想做運動每日收工跑下步,結果一星期跑得一次,最後係唔小心簽咗健身會藉,唔想嘥錢先日日收工上去跑跑步機。

被動, 失敗, 人生, 荊棘, 成功, 轉捩點, 不得意事, 十常八九, 珍惜, 網民熱話
圖片:unsplash

我哋嘅失敗係源自我哋無動力俾自己,做咩都係被動式等人推,細個點入到大學?因為有啊媽呢個「動力」囉;

點解老師幫你報名參加比賽你會乖乖練習,因為唔想上台出醜囉。

所有動力都係來自外界,換句話說,其實只要你有動力,你都可以做得到。

被動, 失敗, 人生, 荊棘, 成功, 轉捩點, 不得意事, 十常八九, 珍惜, 網民熱話
圖片:unsplash

珍惜人生的荊棘

不過人大咗,邊個仲得閒關心你,做你嘅人生「推手」喺身邊默默俾目標同動力你?

反而慘事就開始一籮籮,女朋友俾帽你戴、親人去世,種種不如意嘅事到底有咩值得「珍惜」?

其實呢到嘅「珍惜」,係指不如意事為你帶來嘅動力,你有冇好好把握?

被動, 失敗, 人生, 荊棘, 成功, 轉捩點, 不得意事, 十常八九, 珍惜, 網民熱話
圖片:unsplash

女朋友嫌你窮,你選擇上網鬧佢水性陽花定係等佢將來後悔錯過你呢隻潛力股?

親人離去,想唔想佢哋係上面望到自己事業有成,生活過得好好,等佢哋唔使擔心我自己一個!

你人生到呢一刻其實出現過無數大小嘅荊棘,點解唔試下捉緊某幾個去化成自己嘅動力?!

人生不得意是十常八九,但我地其實一直都無珍惜過呢十常八九,係咪好可笑!

被動, 失敗, 人生, 荊棘, 成功, 轉捩點, 不得意事, 十常八九, 珍惜
圖片:unsplash

「慘」事只因你無把握

當你發現唔少成功人事背後,佢哋都可能有一個聽落你認為係「悲慘」嘅故事,可能有人係捱得好辛苦、可能有人坐過監。

不過當佢哋將悲痛化成動力之後,二十年三十年後回頭一望,你認為係「悲慘」嘅故事,正正就係佢哋最感恩嘅虐心狂想曲。

被動, 失敗, 人生, 荊棘, 成功, 轉捩點, 不得意事, 十常八九, 珍惜, 網民熱話
圖片:unsplash

 

相關文章