防蚊新招 日本天才少年秘技 夏天著短褲都可一招擊退蚊患|生活趣談

防蚊新招 日本天才少年秘技 夏天著短褲都可一招擊退蚊患|生活趣談

生活趣談】近日天氣回暖,討厭嘅蚊又出動!被蚊咬唔止只令人痕癢不適,最重要係唔少傳染病都係由蚊傳播開去,所以做定防蚊措施係有必要㗎!日本節目《マツコの知らない世界》請來一個超愛蚊嘅天才少年田上大喜,經過自己獨特嘅研究同實驗,發現咗簡單又有效嘅防蚊方法!

撰文:C|圖片來源:《マツコの知らない世界》

防蚊咬方法原來超簡單!

呢集《マツコの知らない世界》請來咗熱愛蚊嘅18歲少年,田上大喜做嘉賓。

田上大喜喺4年前開始,用自己做餌去樹林採捕野生嘅蚊,然後帶返屋企放入「蚊房」做研究,屋企養咗近4,000隻蚊!

蚊, 防蚊, 方法, 新招, 日本, 田上大喜
嘉賓田上大喜大喜,係美國回流日本嘅天才少年!
蚊, 防蚊, 方法, 新招, 日本, 田上大喜
田上大喜嘅夢想係創造「人蚊共存」嘅世界,所以親自喺屋企養蚊做研究!

用嚟飼養蚊嘅「蚊屋」係由田上大喜自己用紙皮箱+膠樽自製,一箱大概有50~80隻!

田上大喜指,會吸血嘅只有交配後嘅雌性蚊,咁係為咗得到足夠嘅營養產卵。

所以除咗用蜜糖水餵蚊,佢甚至會「獻血」畀蚊!完全係當成自己嘅仔女咁嚟養。

蚊, 防蚊, 方法, 新招, 日本, 田上大喜
「蚊屋」由田上大喜自己用紙皮箱+膠樽自製。
蚊, 防蚊, 方法, 新招, 日本, 田上大喜
田上大喜會用自己嘅血餵蚊!

據調查所得,1年裡面「殺人最多嘅生物」頭5位,第1位竟然唔係人,係蚊!所以防蚊措施真係好需要㗎!

咁咩人會特別吸引蚊咬呢?曾經有過研究指,根據血型嘅唔同,受蚊「歡迎」嘅程度都唔同,O型最吸引蚊咬,而A型就相對地少蚊咬。

但原來,血型唔係唯一原因!

蚊, 防蚊, 方法, 新招, 日本, 田上大喜
會吸血嘅只有交配後嘅雌性蚊,咁係為咗得到足夠嘅營養產卵。

 

蚊, 防蚊, 方法, 新招, 日本, 田上大喜
1年裡面「殺人最多嘅生物」頭5位,第1位竟然係蚊!

研究指,根據血型唔同,被蚊咬嘅機率都唔同!

田上大喜經過研究同實驗後,得出一個新原因,就係腳上細菌多嘅人,愈容易被蚊咬!

腳上細菌多嘅人,愈容易被蚊咬!

蚊, 防蚊, 方法, 新招, 日本, 田上大喜

人類體內以及皮膚上有稱為「常在菌」嘅細菌,顧名思義,就係經常存在喺人體內嘅菌,而呢啲菌嘅種類愈多,就愈惹蚊咬!

蚊, 防蚊, 方法, 新招, 日本, 田上大喜
人類體內以及皮膚上有稱為「常在菌」嘅細菌。
蚊, 防蚊, 方法, 新招, 日本, 田上大喜
呢啲菌嘅種類愈多,就愈惹蚊咬!

田上大喜搵來妹妹・千笑一齊做實驗,測試5分鐘內2人各自被蚊咬咗幾多撻!

而結果係,妹妹腳上細菌比哥哥多近3倍,被蚊咬嘅次數達81次,而哥哥就只有25次!

蚊, 防蚊, 方法, 新招, 日本, 田上大喜
田上大喜搵來妹妹・千笑一齊做實驗,測試5分鐘內2人各自被蚊咬咗幾多撻!
蚊, 防蚊, 方法, 新招, 日本, 田上大喜
兄妹2人嘅結果分別相當嚇人!

雖然係做實驗,但叫個妹去餵蚊都未免太慘!

原來田上大喜係一見到有蚊停留,就會掃走隻蚊,並立即喺佢停留過嘅地方貼上紅色貼紙做計算及記認。

蚊, 防蚊, 方法, 新招, 日本, 田上大喜
田上大喜會喺蚊停留過嘅地方貼上紅色貼紙做計算及記認。
蚊, 防蚊, 方法, 新招, 日本, 田上大喜
於是田上大喜就諗到,出街前用消毒殺菌濕紙巾抹腳,可以有效減少被蚊咬嘅次數!

佢再叫來妹妹做實驗,對比番殺菌前同殺菌後嘅被蚊咬次數,發現由81處,減至27處!

總數減少至1/3!惹蚊嘅你,下次可以試下用呢個方法防蚊喇!

出街前用消毒殺菌濕紙巾抹腳,可以有效減少被蚊咬嘅次數!

蚊, 防蚊, 方法, 新招, 日本, 田上大喜

 

The user will never see this