打工仔開帖求建議：咩工種可以識多啲朋友？網民建議教跳舞 部分指樓主過份天真：職場如戰場！
撰文：經一編輯部｜圖片：unsplash
開帖求建議：有咩工可以真係識到多啲朋友？
有網民在香港討論區以《有咩工可以真係識到多啲朋友？》為題開帖：
「想搵份人工唔使高，但真係識到朋友可以係生活上一齊玩嘅，唔係保險嗰啲識好多人但冇個真心朋友喔。請問有冇咩好建議啊？因為而家份工真係日日返工放工又識唔到朋友，真係好悶，人工高都冇用。」
有網民問樓主，想結識男女朋友，還是想結交行山、旅行和傾偈的夥伴？樓主說，可以平時一起玩樂的就可以。
網民意見主要分為兩個方向，一部分的網民認真分析在職場結識到朋友的要素，更推介部分行業和工種給樓主。另一部分的網民認為樓主過份天真，正所謂職場如戰場，無謂執意要在辦公室結識都真心朋友，反建議樓主應在其他領域結識朋友。
視乎公司文化 上司態度決定下屬友誼？
不少網民分享自己過往會和同事放工後去做的各種活動。有網民便指出，同事間能否成為朋友視乎公司文化，稱自己曾經在中資和英資公司打工，比較之下中資公司的同事更活躍：
入面啲同事中意放工約埋打邊爐、唱K、睇戲，放假約踩單車、燒野食、打波，甚至成日落蘭桂芳，好鍾意玩好鍾意吹水，所以好易做到朋友，我女朋友都喺度識返嚟。英資嗰間啲人反而好悶，可能同事各自有自己嘅社交圈子啦！但同事之間就只係同事。
然而，他亦說：「但我搵工時唔會考慮呢樣。」
除公司文化外，上司態度亦會決定下屬之間的友誼：
有一樣都幾肯定，如果間公司啲老闆／上司X嘅話，啲細嘅係會幾團結，甚至做到fd（朋友）都唔出奇。
除此之外，更有網民認真建議行業和工種給樓主，認為可以更容易在工作上結識朋友。
- 手機、時裝…..各種行業地舖，可以認識店舖附近所有街坊。
- 最近好紅嘅教跳舞
- 可以做牧師，識好多教友
職場如戰場 升職靠自己 邊個同你做朋友？
然而，亦有網民一早認定職場裡各人有利益牽制，難覓得真心朋友。
- 職場大忌，返工唔係用黎識朋友，識到只係Bonus
- 返工識朋友，少年你太天真
- 返工識到朋友？酒肉朋友、豬朋狗肉就得
- 點解要係搵錢嘅地方識朋友？你又知人哋想交心？
- 職場真係無乜真心朋友，大家相處融洽已經偷笑
- 職場如戰場，邊個同你做朋友啊？升職靠自己。
- 我剛出嚟做嘢頭一兩年都有咁天真嘅想法。
有網民用心回覆樓主，認為結識到真心朋友的環境需要具備特定條件，建議樓主應在其他地方追求無謂強求，例如有網民建議樓主放假做義工或返教會，或會更容易。
想識朋友，首先無利害關係、有共同目標，仲要有時間互相交流。有齊三樣條件的是：
- 返教會
- 讀書或興趣班（重要同一組）
- 做義工
- 聯誼會
- 跳舞群組
- 隊際運動等
一切還看緣份？
縱觀而言，在職場能否結識到朋友似乎難有定律，並非絕對。最終似乎還看大家有沒有緣份，有網民道出：「好朋友講緣份，有緣做乜工都會識到！無緣做乜工都只係識到點頭friend！呢啲係睇你，唔係睇工！」
延伸閱讀：放假收到同事WhatsApp覆唔覆好？網民獻計用兩個手機號碼：公事號碼飛線去火星，勿聽！
延伸閱讀：【也許換水很難】Office換水攻防戰 猶如捉象棋 敵不動我不動？網民：有啲人寧願渴死都唔肯換水
