博炒, 網民, 討論區, 方法, 討論, 意見,一拍兩散, 同事, 公司, 射波, 潛水, 請假, 法律, 勞工處, 合約, 職場

份工太伏想博炒 網民:連續唔返工就得啦|勞工處

社會熱話

廣告

熱話】不知大家身邊有沒有人想「博炒」呢?近日有網民在討論區發文,指自己簽了「中伏」合約,現求「博炒方法」,引起熱烈討論。綜觀多名網民的意見及方法,這些「博炒方法」,大致可以分為以下4類。

撰文:Smart ED編輯部|圖片:unsplash、討論區截圖

一拍兩散型

第一種「博炒方法」是「一拍兩散」。

以不同方式,如損壞公司的貴重物品、或與公司同事爭吵等的方法「博炒」。

不過這些相對激進的方法,某程度上是「傷敵一千,自損八百」,很可能會影響日後找工作的。

網民:老細驚過你

「『唔小心』整爛公司d貴重野,然後賠$300等炒」

「工傷都有排玩啦,喺公司俾紙整親都call白車。老細驚過你」

「日日話唔舒服請假,請夠一星期返一日,一返到公司就雞毛咁小事都同同事嘈,嘈到又話報警又盛,如果有客係度就更好,嘈到D客見到曬」

射波潛水型

第二種是較常見的「潛水人士」,其「博炒方法」就是請假。

總以身體不適等理由要請假,更甚者是在沒有理由或解釋的情況下「No show」,令僱主忍無可忍下「炒人」。

「連續唔返工就得啦」、「日日身體不適,一星期返一日」

「No show幾日都可能炒你,我公司都係咁,人地做到野一日幫你ot做成十二三個鐘,星期六都返黎同你做,但無打返公司射左兩日波就炒左」

好嚟好去型

另一方面,有些員工不要令關係弄得太僵,所以希望用「好嚟好去」的方法解決。

「解決方法,一係我辭職,一係勞工處見」

「解決方案咪好嚟好去囉,七日通知期之後我就last day喇,記得計好啲糧俾我,Last day 後七日內好出喇」

訴諸法律型

最後一種,就是訴諸法律,在法庭見的方法。

有人指出,所有合約都是以勞工法例為依歸,如果合約抵觸法例,便會失去法律效力。

「所有合約抵觸法例就冇法律效力,呀婆都識啦」

「如果份約標準低過勞工署標準跟勞工署,唔係嘅話可以告返轉頭,唔通你簽咗時薪$20就$20咩,一切以勞工法例為最低標準,簽咗唔代表d咩」

「出完糧即走,公司只可以民事追你,類似d租霸死都唔比錢咁,你公司唔會夠你玩,無公司會浪費時間追」

不過,如果大家真的在職場遇上相關疑難,建議還是尋求勞工處及相關專業人士的幫助!

延伸閱讀:辭職希望好嚟好去?有種公司一遞信就當你係透明人

職場】相信大家都知道,正常情況下,雖然你想辭職,需要早一個月交辭職信。而當你交出辭職信,正式倒數一個月嘅一刻,老闆就會當你係透明人,理得你之前為公司付出過幾多。

撰文:藍橘子 |圖片:unsplash

交出辭職信 即變透明人

如果你喺公司係一名「Hea霸」,呢個月將會係你工作生涯最放鬆嘅日子。

你可以毫不留情將所有嘢交畀其他同事,每日返工只需要處理呢個月限期內嘅工作,當公司出現突發狀況,都與你無關。

「我唔理你!通頂又好,拎返屋企做又好,走之前一定要完成晒所有手尾!」曾經有一個上司以威脅語氣同一個遞咗辭職信嘅同事講。

唔單止咁,公司仲Cut走晒呢位同事嘅花紅。

結果,嗰位同事每日準時收工,放慢晒手腳,結果走嗰時仲剩低大堆工作未完成,難為了其他要執手尾嘅同事…

一個員工離職前有幾盡力,就睇間公司對員工好唔好。

相反,有啲同事為公司盡心盡力,想為公司拚博到最後一刻。

辭職希望好嚟好去

以我一位朋友阿臣做例子,佢公司係一個專用做Event嘅公司,每個Project 需要幾個月先完成,阿臣由籌備計劃直至實行,全部都親力親為。

但阿臣因為某原因辭職,佢已經特登計算好離職日期係Project完成後,希望可以完成埋手尾,睇到自己成果先離開。

點知老闆一收到離職信,立即將阿臣嘅工作交晒畀另一位同事,就連活動當日,阿臣都唔可以出席場地。

呢一個月,阿臣每日淨係留喺公司處理E-mail同聽電話…

結果,阿臣不忿寧願補錢畀公司提早離職。

不論係咩公司,員工都係公司最珍貴,最應該善待嘅資源。

當員工好似避孕套咁用完即棄,只會打擊員工士氣,覺得自己嘅努力終有一日會白費。

「好嚟好去」呢個說話係雙方面嘅,除咗員工離職前要有交帶,作為老闆亦一樣善待辭職嘅員工。