銀行職員享十成按揭 買600萬樓慳165萬元利息

銀行職員享十成按揭 買600萬樓慳165萬元利息

大家有冇留意第三季負資產個案由上季僅1宗,急升至53宗呢?不過又唔使咁擔心,因為金管局表示原來大部分個案都係屬於銀行職員住宅按揭貸款,相關貸款按揭成數比一般按揭保險計劃貸款較高,所以樓價連跌四個月後,呢批銀行職員都比較易跌入負資產界線。究竟銀行職員買樓會有咩優惠?而銀行員工按揭又著唔著數呢?

撰文:SmartED編採部|圖片:新傳媒資料室

銀行員工可享十成按揭

多間銀行都有提供買樓優惠以挽留員工,本地某大銀行向員工提供十成按揭,最多可借款的月薪倍數由原來的100倍調高至120倍,至於按揭貸款息率方面最低息口為0.8厘。銀行員工同一般街客比,假設買$6,000,000嘅樓,月入都係$50,000、還款年期30年,而雙方都借足首置最高按揭成數嘅話,銀行職員每月還款額低至$18,752,比街客平咗成$2,937!最誇張嘅係利息總數只係$750,763,比街客嘅$2,408,086,慳成$1,657,323!

銀行職員買600萬樓 免首期兼慳165萬元息
大家有冇留意第三季負資產個案由上季僅1宗,急升至53宗呢?

嘩,咁喺銀行做咪好著數?不過由於批核結果都要視乎實際個案情況或其他因素而定,未必真係有最低息同批足十成咁多,而且職員離職後,有關按揭優惠亦會隨之失效,需要向銀行償還優惠按揭成數與一般街客按揭成數嘅差額,所以部分唔想「賣身」俾銀行嘅職員,都會選擇放棄呢個員工按揭優惠。

相關文章

關鍵詞
樓市點睇