診所職場事 寶豬趣聞 想拎 男仔藥 嘅先生 珍寶豬

【診所職場事|寶豬趣聞】想拎男仔藥嘅先生|珍寶豬

職場

廣告

有日一位叔叔嚟到診所。

佢行埋嚟登記處問:「姑娘小姐,請問你哋嘅醫生係男醫生定女醫生呀?」
我:「男醫生嚟~」
佢:「咁實在太好啦,你可唔可以幫我講聲我想拎啲男仔藥呀?我唔駛見醫生呀!」

撰文:珍寶豬funnyclinic)|圖片:電視截圖

先生想拎啲「男仔藥」

我:「你之前有冇喺度睇過?我同你睇睇排版先呀」
佢揮動雙手:「冇呀,我唔係有咩病呀,我想拎啲男仔藥咋!」
我哋實知你所講嘅『男仔藥』係咩啦~
我:「你要藥嘅話都係要見醫生㗎,你俾身份證我登記呀,我同你登記呀」
佢先係沉默咗一陣。
我:「先生?你係咪要睇醫生呀?」
佢:「醫生一定要見我嘅理由係咩呀?想當面笑我?」

…你個人諗嘢諗到咁壞壞嘅~
我:「親自見你係想了解清楚你情況啫」
佢:「我講句『男仔有事』就已經代表晒啦」
我:「醫生未必清楚知道你講嘅係咩事嘛,與其我同你傳話,不如你直接入去見醫生啦,兜口兜面問都直接啲嘛!」
佢:「我唔知醫生咁樣有咩居心,醫者父母心嘅話都應該要企喺我唔想入去見醫生嘅立場諗吓,我就鐵定不入㗎啦!」
我:「…咁你拎唔到藥㗎喎!」
佢:「你講真?」
我:「係呀,醫生一定要睇咗你先會開藥俾你!」
佢:「你同對面嗰間一樣,都係掛個假牌出嚟呃我!醫者父母心都係呃人!」
佢抬頭望望,搖頭嘆氣離開咗診所。

我望望佢望嘅方向,先生,你係咪唔識字呀?個牌匾寫住嘅唔係『醫者父母心』喎。

診所 先生 男仔藥
圖片:電視截圖