【診所職場事|寶豬趣聞】想要維他命Sample嘅小姐|珍寶豬

【診所職場事|寶豬趣聞】想要維他命Sample嘅小姐|珍寶豬

有日一位小姐睇完醫生,我出藥俾佢…
我:「呢度每日四…」

我都未講完,佢就講:「呢啲咩藥嚟呀?呢包咩嚟呀?」

撰文:珍寶豬funnyclinic)|圖片:電視截圖

「吓?冇Sample㗎?」

你急什麼,我咪就係因為要講呢啲嘢俾你知而企喺度同你講緊…
我:「逐樣逐樣嚟,我逐隻講俾你知呀」
我再講:「呢啲每日四次,每…」
佢又插咀:「呢包都係四次呀?得幾粒咋喎,點食四次呀?」
真係好想除隻襪落嚟塞落你把口度。
我:「你等我講埋先好冇呀?」
佢:「哦」
我:「呢幾包呢,就四次嘅,每次食一粒啦,咁呢包係退燒止痛,你有痛有燒先食」
佢又插咀:「呀!你有冇維他命俾我呀?」
…我而家想維你個他命呀。

我:「醫生冇開維他命俾你呀」
佢:「sample嗰啲呢?」
我:「我哋冇sample派嘅」
佢:「吓?冇㗎?」
我:「係呀,我可以講埋其他藥點食未?」
佢:「你係本身冇sample俾定係唔俾我咋?」
一定係見你個樣太多維他命而唔俾你啦。
我:「本身冇…」
佢細細聲:「咁做生意都得嘅?」
我:「呢包藥就早晚食嘅,每日兩次每次一粒」
佢望望我問:「我有啲嘢同醫生講,我想入返去」
我:「你有啲咩要問醫生呀?一係我幫你問啦,如果唔係你可能要坐低等等喎」
佢:「呢樣又唔俾嗰樣又唔得,你同醫生講我以後唔再嚟睇佢啦,樣樣嘢都唔到位,我呢次當俾鬼責算啦,幾錢呀?」

我:「三百」
佢邊俾錢邊講:「真係俾鬼責,搵鬼幫襯呀」
邊個俾緊錢咪邊個係鬼囉。

延伸閱讀:佢有貨我冇貨|珍寶豬
延伸閱讀:想驗吓啲大便嘅先生|珍寶豬

診所職場事 寶豬趣聞 想要 維他命 Sample 小姐 珍寶豬
圖片:電視截圖