我人工$20,000 阿哥月入$15,000 但佢係人生贏家 因為…… |網民熱話

我人工$20,000 阿哥月入$15,000 但佢係人生贏家 因為…… |網民熱話

人工網民熱話】雖然係網絡上有唔少人「IT狗」前「IT狗」後,但其實IT呢一行有好多範籌,識寫應用程式更加可以稱得上係專業,所以我呢隻「IT狗」一畢業都有幸搵到20k一個月。

撰文:Purple弟弟| 圖片:電視截圖、新傳媒資料庫、unsplash

人工低 難儲錢

但出得嚟社會做嘢愈耐,發覺做嚟做去都係咁上下,有時仲要OT都幾辛苦。

錢方面唔係儲唔到,係儲嚟都無目標,我月儲$8,000至$10,000,想儲$100萬最快都要8年半!

仲要假設果陣仲有$100萬做到首期嘅樓,真係人都癲…

人工 打工仔 it 月入 職場 人生贏家 IT狗 畢業 好女仔 女友 網民熱話

讀好書不如識好女仔

直至我參考我啊哥嘅人生,我發覺讀好書不如中學識個好女仔!

我啊哥佢中學已經識咗依家女朋友,雙方一直以置業為目標,兩個人大學畢業前做part time已經儲落十幾萬。

出到嚟社會工作,佢同女朋友固定要各儲$7,500落聯名戶口。

人工 打工仔 it 月入 職場 人生贏家 IT狗 畢業 好女仔 女友 網民熱話

27歲儲到過百萬首期上車!

儲落呢筆錢仲會買下港鐵、領展呢啲藍籌股,佢依家27歲已經同女朋友儲到過百萬首期上咗車!

當然我唔係傻嘅,見到啊哥呢個成功例子,我當然識做啦!

所以都好主動參加唔同活動結識異性,但已經識唔返一個肯同自己共同儲蓄嘅伴侶。

人工 打工仔 it 月入 職場 人生贏家 IT狗 畢業 好女仔 女友 網民熱話

有好女友先係人生贏家

咁又係嘅,由於我啊哥中學就識佢女朋友,有足夠時間培養感情。

而我一拍拖就問人肯唔肯同我儲錢買樓,相信要對方係傻嘅先會話好!

依家23歲人先開始拍拖,使費又大咗,仲要唔知同女朋友可唔可以發展順利。

如果比我人生返返去中學,我一定會學我啊哥咁,識個好嘅女朋友長相斯守先係大贏家。

人工 打工仔 it 月入 職場 人生贏家 IT狗 畢業 好女仔 女友 網民熱話

 

你可以話我垃圾!將樓呢樣嘢睇得咁重,但你估我想㗎咩?

香港地男仔無樓,人哋點放心交個女俾你?自己退休租樓仲頂唔頂得住?

If you can’t beat them join them!

我惟有努力加入做業主行列啦…

人工 打工仔 it 月入 職場 人生贏家 IT狗 畢業 好女仔 女友 網民熱話
圖片:新傳媒資料庫

相關文章:90後樓主唔加班:OT唔等於熱愛份工「靠OT先升嘅公司早走早著」|網民熱話

【加班・網民熱話】對於加班、OT這個辦公室文化,你有甚麼看法?最近一個名為「我90後真係唔知咩叫辦公室文化」的帖文引起網民熱烈討論,樓主準時下班,卻被同事斥指不懂辦公室文化。對此,有網民撐「樓主正確態度」,亦有人覺得樓主不加班,可能會得罪上司,甚至影響前程。

撰文:Smart ED編輯部|圖片:電視截圖、unsplash|資料來源:討論區

90後樓主:唔知咩叫辦公室文化

樓主提到,自己早前上班,工作一段時間後覺得很累,於是去飲水休息,不足5分鐘的時間。誰知卻遭到年資較長的同事訓斥,「你都休息左(咗)幾耐,諗住休息到幾時」。

另一方面,樓主上班是朝九晚六,但同事卻做到9時才離開。有一日,同事問:「咁多野做,你一日做哂?」樓主回應:「做唔哂咪第二日做」同事反問樓主懂不懂辦公室文化,樓主覺得十分無奈,直言「真係唔多明咩辦公室文化係咩」,認為自己準時走,不代表不熱愛工作;反之,「開OT既(嘅)同事又好鐘意份工咩。

網民熱話 加班 OT 辦公室文化 90後 同事 工作 職場
樓主上班是朝九晚六,但同事卻做到9時才離開。圖片:電視截圖

為無謂的文書工作而加班?

樓主觀察所得,其實同事加班是因為無謂的文書工作,變相增加了工作量,「無謂既野又要上,重要既野又要上,搞到哂個工作量好多」。樓主直言,「放工之後既(嘅)時間係自己」,如果付出少許時間幫公司沒問題,但用2至3小時「無私奉獻比(畀)公司,我不如打多份PT」。

網民熱話 加班 OT 辦公室文化 90後 同事 工作 職場
樓主觀察所得,其實同事加班是因為無謂的文書工作,變相增加了工作量。圖片:電視截圖

網民:準時返準時走 不加班不扮工

樓主的言論引起不少網民討論,當中有不少網民都支持樓主的看法,「樓主正確態度」,「由我哋呢代做好規矩,準時返準時走」,認同不需加班、「扮工」,「啲人(同事)扮工啫,無野做都坐到八九點走」,又有人指,加班、「扮工」不代表有效率,亦不一定獲得上司讚賞,「老細升人從來唔係睇邊個ot多,靠OT先升既(嘅)公司早走早著」。

OT一係自己能力有問題,一係呃OT錢/搏升職,一係就公司管理有問題/度縮

網民熱話 加班 OT 辦公室文化 90後 同事 工作 職場
不少網民都支持樓主的看法,「樓主正確態度」,「由我哋呢代做好規矩,準時返準時走」。圖片:unsplash

不加班會得罪老闆?

另一方面,有人提醒樓主,準時走是沒有問題,但可能會影響上司對你的觀感,甚至是職場的前途,「contract點寫你咪點做,但風險係你會得罪老細(老闆)」。

不過如果我係你老細你上司嘅話,將來有機會升職加人工唔會第一個考慮你先囉,蝕底嘅最終係你自己啫,正所謂條路自己揀,到時唔好問人點解升佢唔升你,點解加人工人哋會加得多過你

網民熱話 加班 OT 辦公室文化 90後 同事 工作 職場
有人提醒樓主,準時走是沒有問題,但可能會影響上司對你的觀感。圖片:unsplash

加班加得其所 對前途好?

有人以自己的經驗作例,指加班加得其所,對前途很有益處。該網民指,「事業緊係趁後生博,當你老左已經唔會再有動力去做」。

我2年前FG,同期有兩個都係FG,我OU,佢地3大,我日日OT到9點,佢地就6點幾走人。 結果我第一年12,000+到18,000,佢地16,000,第二年我18,000 去到24,000,佢地19000,老細特登就係睇到我夠哂博!對d老細黎(嚟)講,你同佢地講做哂都無用,佢地淨係睇你O唔OT、勤唔勤力

網民熱話 加班 OT 辦公室文化 90後 同事 工作 職場
有人以自己的經驗作例,指加班加得其所,對前途很有益處。圖片:電視截圖

肯搏肯捱才是出路?

有網民認同以上網民的看法,指現時「肯搏肯捱,對公司有loyalty,對工作有commitment,做得嘢之餘又humble又唔怕do extra嘅後生仔,而家相對真係買少見少」,所以認為他們更易上位。亦有網民提到,將心比己,如果自己是高層,當然想「用蔗渣嘅價錢做出燒鵝既味道」。如果要請人,即是要多花錢,如果在不多花錢的情況下,其實高層能減程序、減工作量,例如是撰寫無謂的Email。

有人指出,在工時這方面,「藍領工」比「白領工」來得公平、「均真好多」,起碼沒有或很少不明文規定每日硬性OT。只要完成當日工作,隨時還能提早離開收工。

網民熱話 加班 OT 辦公室文化 90後 同事 工作 職場
有人指出,在工時這方面,「藍領工」比「白領工」來得公平。圖片:unsplash

下一頁:中年失業搵唔到工 應自己負全責!拒絕跟時代進步只會被淘汰 

相關文章:失業率高企必定難搵工?被裁員不一定是壞事 做義工反而可重新出發?