職場新人「追KPI追到傻」 Fresh Grad崩潰想裸辭：唔知返工做緊咩！
廣告
作為職場新人王，第一份工對自己一定特別重要：可能奠定了你的事業根基；也可能是你面對現實社會的第一個戰場！有網民就在討論區分享了他在工作不久，有了想裸辭的念頭：「好想休息吓，已經喺(壓力)崩潰邊緣！」
職場新人的苦惱1：追KPI 學不到實際知識
苦主網民分享了他的經歷，他的第一份全職工作是做銷售員，工作基本上是聯絡各大小客戶，尋找做生意的機會，他也有一個KPI需要達到（Key Preformance Indicator，即他的工作成績、成效指標）。原以為過往曾做過類似的兼職工作，自己應可以勝任，但發現日日如是，感覺相當辛苦。
- 「因為以前都有做過類似嘅Partime，但原來真係好辛苦」
- 「做sales做到好抑鬱，呢排差唔多日日都喊」
- 「成日都唔知自己做緊乜，冇咩實質嘅知識可以學到」
職場新人的苦惱2：無特別技能、求職能力低
苦主網民想轉工，但同時發現自己的短處：因為自己不是專科出身，欠缺技能；想進修但又拿不定主意；對金融興趣不大，但又看清金融相關行業在香港有較多發展機會等，十分矛盾！也看得出苦主網民心情相當低落，自眨「讀完大學同無讀冇咩分別」！
- 「上求職網睇，要求好低嘅工多數係伏，或者人工好低又冇發展嘅空間」
- 「本身非專科出身，又冇咩技能，讀完大學同冇讀冇咩分別」
- 「我諗香港最大路都係金融業，但我數學唔係咁好，本身對金融又冇咩興趣，應該都係做得唔開心」
職場新人的苦惱3：好想裸辭 但可以去得邊？
面對初入職場已承受不了工作壓力和工作前路不明朗，苦主網民想擺脫困境，調節好自己的心情。但似乎相當迷惘，亦有壓力爆煲的情況！
- 「其實我好想裸辭，但冇方向嘅話，辭完又可以去邊呢？」
- 「我只係好想擺脫而家嘅困境，我已經喺崩潰邊緣，覺得自己適應唔到呢個世界」
- 「我都唔知而家可以點，唔通真係要做政府工？」
職場老手：唔等錢使真係早走早著！
苦主網民一出貼文後，其他網民紛紛留言，不少網民都贊成他裸辭，趁早發現不適合就走，也提議職場新人自己身心健康更緊要！
- 「唔開心又唔等錢開飯，裸辭其實無咩問題」
- 「呢個世界有好多行業、唔同公司，慢慢搵真係會搵到適合自己既工，有啲野唔適合就係唔適合，做耐啲都唔會變適合」
- 「要求唔高的話，Fresh Grad做文員，CS輕輕鬆鬆都唔差」
- 「應該趁後生試多d唔同行業，如果無咩方向就更加要(裸辭)，好過明知唔啱都繼續做」
- 「你想擺脫而家既困境就走啦，走左之後你會話自己傻，點解咁遲走！」
- 「其實自己唔開心、病啊，精神上生理上都好，又無家庭經濟需要，真係可以抖抖」
圖片來源：圖片來源：政府新聞處，unsplash@Craig Garner，unsplash@Josefa nDiaz
