買樓一定要有露台?網民熱議露台優缺點:「住過露台就返唔到轉頭!」

樓市熱話

廣告

早前有電視節目報導指,有大廈不允許業主在露台晾衫,引起不少人熱議露台的用處。有人於討論區發文,問網民有關買樓是否需要有露台的看法,以及討論露台有何作用。帖文一出,引起網民熱議。有人認為「住過露台就返唔到轉頭」,但有人卻認為露台實際上「華而不實」。

樓主:一定要買有露台嘅樓?

早前,有網民於香港討論區以「有冇人買樓一定要有露台? 露台有咩用」為題開post,表示有朋友最近正睇樓,指一定要買有露台的樓盤,但他卻認為「好難打理」,因此發文想知道其他網民對露台的看法。

「朋友最近睇緊樓,佢話一定要買有露台嘅樓。露台真係好咩?打風落雨好似好麻煩又難打理。」

住過有露台之後返唔到轉頭?

帖文一出,惹來網民兩極的回應。部分網民指「住過有露台之後返唔到轉頭」,不但可以晾衫 ,甚至能BBQ、種花等,且空氣更為流通。甚至有人會在露台欣賞風景,放鬆心情。

  • 「我住過有露台之後翻唔倒轉頭,主要係晾衫。」
  • 「曬衫有用,如過掛屋入面,會有好大陣洗衣粉味,吸入對身體唔好。」
  • 「有露台好好用…日日用黎晾衫…省了不少電費!」
  • 「可能因年紀喜好,對多在家多的人露台很重要。空氣好,落雨門留少少對流,晾衫唔使理,出露台可以望下街,有露台的樓多數較新。」

「可以晾手洗完,濕嘅衫,由得啲衫喺露台滴水曬乾。夜欄人靜,企喺露台扮有品味飲下酒,汽水。嘈完交,行出露台睇下風景冷靜下又得。」

  • 「好多嘢玩,種花、養魚再擺套室外用櫈同茶案,一本書,坐成個下午都得;半打啤酒 ,坐到深夜又得。Man Cave!」
  • 「我露台用來曬衫,種花,放雜物還有得閒開張沙灘枱睡覺。」
  • 「除咗晾衫,我鍾意喺露台食早餐食宵夜,一路食一路睇風景,爽!」

除此之外,有網民坦言,買樓必須要有露台,因為空間感會大好多之餘,亦「無咁壓迫」。不過,有網民卻指露台的用處不算多,但「但冇會覺得少些嘢」。

買樓一定要有露台?網民熱議露台優缺點 晾衫方便、有靚景 惟大廈公契限制多
(圖片來源:unsplash@fromitaly)

網民盤點露台缺點  怕跌落街、新樓唔畀人晾衫

雖然有部分網民支持買樓要有露台,有人卻直言香港的露台太細、限制多,根本沒有任何用途,亦有人覺得露台並不安全。

  • 「心驚膽跳好容易跌落街。」
  • 「我反而一定要買無露台嘅樓,覺得唔安全,尤其是小朋友丶動物丶老婆…」
  • 「有新樓唔畀人晾衫!」
  • 「如果唔畀晾衫又唔畀擺雜物,露台仲有咩用途?」

部分家中有露台的網民卻指,打理露台十分麻煩,坦言「有苦自已知」。

「畀太陽光直射,熱到溶;落大雨,成個露台地都係水;吹強風時,又大塵。到時就知味道!部洗衣機好快玩完,雜物就唔使講了。利申,自己住緊,有苦自已知。」

  • 「無實用的用途,唔可以晾衫,唔可以放雜物,又怕細路出去玩危險,實在是沒有用的!」
  • 「樓下單位個露台會不時有煙灰由樓上跌落嚟。」
  • 「我屋企有露台加工作平台,工作平台主要用嚟晾衫,都算有些用。露台呢…夏天怕熱、冬天怕凍,一年企出去夾埋都無30分鐘。」
  • 「買之前從無考慮過有冇露台,純粹睇錢、地方、自己鐘唔鐘意, 啱唔啱自己。到買咗有露台之後,十年都唔出去一次,唔會用嚟晾衫,只係每年洗一次!」
(圖片來源:unsplash@17somh1)
(圖片來源:unsplash@17somh1)

香港樓露台太細 華而不實?

雖然網民對單位有露台持兩極意見,有網民卻指露台面積的大小才是重要的考慮因素,認為面積夠大,足以擺放梳化、枱等,才算是有價值。然而,香港大部分的單位面積有限,且部分大廈公契對露台的限制多,有人批「華而不實」。

「喺香港除非買大啲,幾百呎私樓間格豆腐咁大地方,轉身都手差啲撞玻璃又話露台,要嚟都浪費地方。露台要有番咁上下大,夠地方種下花草,擺得落一張細茶几兩張凳,有時間坐喺度吹吹風睇睇景,食嗰下午茶飲吓嘢…咁先有其作用同價值。有呢啲當然正,如果勉強不如唔要。」

  • 「其實鍾意有露台,源於內地啲樓露台又大又實用,所以都想香港屋有露台。但港樓露台太細,放唔到啲咩,人哋內地放梳化放枱放洗手機乜都得,香港啲露台變咗好似以前用窗台嚟呃呎咁,真係諗唔到有太多用途,實際亦都因為大廈公契限制乜都唔做得,咁貴但限制多多又唔實用,加上係主人房為呃呎,整埋工作平台。𠵱家唔太喜歡露台了,外面係靚,但華而不實。」
  • 「細嘅,唔想要。夠大可以放張枱,幾個人打邊爐或者BBQ咁先有啲意思!不過有呢個size嘅露台嘅樓一係我買唔起…所以我都係住啲無露台嘅舊樓算了!」
  • 「大陸好多露台放洗衣機、地拖之類,可以晾衫,好多仲可以加窗封閉咗佢唔使鋪塵…香港露台好似多好多限制,起碼唔封得。」

延伸閱讀:最強小陽春|內地歷年16次降準 樓價升足9成?中原陳永傑:最怕虎年「買貴樓」!

延伸閱讀:29年天水圍居民列4宗罪 警告千祈咪買天水圍樓:跌市最先跌、升就最尾升

美股、加密貨幣成新趨勢,想了解但無從入手﹖港股又點做先可以趨吉避凶﹖經一全新推出patreon訂閱號【經一共肥計劃】,訪問業內專家獨家俾料,提供深入淺出分析;影片、專欄、文字報道各適其適。而家有早鳥優惠,每月10美元,點擊連結,就可以早訂早享受﹗

【共肥不自肥,賺錢預埋你﹗】

patreon訂閱號【經一共肥計劃】

https://www.patreon.com/EDfattogether?fan_landing=true

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

圖片來源:unsplash@fromitaly、unsplash@17somh1