網上熱話|屯門掘路近廿載終完工?街坊:結婚睇到離埋婚

網上熱話|屯門掘路近廿載終完工?街坊:結婚睇到離埋婚

同一個路口20年來斷斷續續有道路工程,會否令街坊忘記或懷念路面的原來面貌?屯門青山公路-青山灣段往置樂花園方向、近屯利街的一段,過去多年來先後進行過與煤氣、電力和供應食水等相關的工程,其間雖然會短暫完全重開重段路面,但有區友前日發現又一個工程竣工後,不感慨嘆一句:「呢個屯門偉大既(嘅)基建終於完成,唔駛再收窄樽頸。」
不少街坊都對多年來的工地和擠塞情景歷歷在目,「當年每日坐熱狗巴士都經過呢度,而家已經全部冷氣巴士喇,二十年來不停地掘路……鋪路……」、「整左(咗)十幾廿年」,更有人感嘆道「呢個位由我結婚睇到我離埋婚都終於整完……嗰陣住華都(花園),夜晚心情唔好瞓唔著,一望出窗口就望到,依家搬走埋離埋婚就搞掂……唉。」、「當年成日拖住個孫仔經過呢個位置,而家我個孫仔已經21歲出嚟工作喇。」

網上熱話|屯門掘路近廿載終完工?街坊:結婚睇到離埋婚
2011年和2019年(圖)的工程規模有所不同。(Google街景截圖)
網上熱話|屯門掘路近廿載終完工?街坊:結婚睇到離埋婚
2011年(圖)和2019年的工程規模有所不同。(Google街景截圖)

司機駛經感不習慣
有網民就指感到不習慣路面重開,戲言「今日渣車過都呆左一呆,點解好似差緊d(啲)野(嘢)咁既(嘅)」、「咁樣好唔慣,無得喺嗰個位塞」、「頭先揸車去到呢個路口突然有點懷疑自己係唔係揸錯路」。有留言就提到,該處的工程並非20年也是同一工程,「以前臨過年前就開番,過咗年之後又掘過」、「煤氣掘左(咗)幾年,封番個零禮拜,跟住到水務,一掘又掘左(咗)4年」。
不過,有人就籲一眾區友不用開心得太早,「之前果(嗰)個係水務署工程,根據非正常程序,水之後就會到煤氣、電纜,之後就……」、「過多幾個月都冇封先至係贏」、「一係煤氣, 一係電, 一係水, 換好曬就到渠再無限Loop(循環)」。

網上熱話|屯門掘路近廿載終完工?街坊:結婚睇到離埋婚
2010年8月的工程則在慢線進行。(香港巴士大典用戶LJ8652圖片)

資料來源:AM730

關鍵詞
網民熱話