分享至
    裝修師父都信有風水屋:「有啲屋苑特別多人死」揀錯屋容易大病兼輸錢 屋企對正公路必有損傷?

    裝修師父都信有風水屋:「有啲屋苑特別多人死」揀錯屋容易大病兼輸錢 屋企對正公路必有損傷?

    搵樓過程中,除了考慮樓盤價格、單位內櫳質素,有買家偏愛坐北向南,屋企能夠冬暖夏涼;亦有人偏向迷信,努力物色有利家庭風水的居所,希望利好健康、事業和財運等。網上討論區有網民表示「做咗裝修咁多年,單位風水真係唔到我唔信」,樓主從事裝修行業多年,見盡不少奇則單位,有住戶搬屋後生活出現劇變,自己進入個別單位更會「周身唔聚財」。

    撰文:經一編輯部| 圖片:連登討論區、Unsplash

    五門歸心=五鬼拍門?

    樓主憶述,以往不少客人搬屋後會經歷生意失敗、身體有毛病或者性情大變,更指「有啲屋苑係特別多人死老公」,無獨有偶都是單親家庭。

    對風水有興趣的網民問及「將廚廁對調係單純喜歡,定係因為風水?」,樓主憑其經驗解釋,廚廁對調會將洗衣機獨立去拉遠,中間經過鋅盆、洗手盆,洗衣機去水很容易回流,隔氣去水不順暢,嚴重更會「谷爆喉」。

    萬一樓上單位廁所漏水,隨時「飯都無得煮」,又提醒不要亂改公屋單位:「屋宇署有機會叫你還原。」

    有網民從事裝修行業多年,見盡不少奇則單位,住戶搬屋後生活出現劇變。
    有網民從事裝修行業多年,見盡不少奇則單位,住戶搬屋後生活出現劇變。圖片:連登討論區

    有網民表示「『五門歸心』好難擺傢俬,想將廚房改開放式」,樓主認為,爐頭是財位,如果一開門見到爐頭會散財,更引起網民對單位間隔的看法:

    • 五門歸心,廚房係中間有問題
    • 而家好興整嘅閣樓同地台櫃,好唔聚財
    • 做設計果班完全唔理技術野
    • 單位明明新裝修都特別易殘,都係有問題
    • 假天花有濕氣對衞生健康唔好
    • 眼鏡房無屏風,出門前最好閂房門,可以擋一擋

    「試過去朋友間屋幾粒鐘feel到唔係咁舒服,頭又有少少痛。」

    提防公路「聲煞」

    除了單位內在因素可能影響生活體驗,有網民提到,屋企對正高速公路會「有聲煞」,對住戶可能構成健康影響:

    • 通常一入屋你就知有聲煞
    • 超近距離對住F1跑道,近巴士站,個單位格局係有問題
    • 我剩係科學角度知道汽車多懸浮粒子
    • 今期鑽石山居屋對正條F1跑道
    • 唔駛睇風水都知賺梗

    「如果你嘅視線係見到啲車,個感覺就好似時時刻刻都有車撞埋嚟咁,潛意識已經唔舒服、精神緊張。」

    有人專買墳景樓

    期間,不少網民繼續提出其他風水疑問,當中不少人比較關心居住環境對家庭和健康的潛在影響,坦言以後買樓要請驗樓師和風水師:

    • 深井風水係咪好差?
    • 唔少外國人住豪宅區,港島風水差極有限
    • 住水塘附近咁唔通好正?
    • 今年西南好風水
    • 主人房望山景,見到有墳墓,有無影響?
    • 有人專買墳景樓,寓意升官發財
    • 凶宅係咪陰風陣陣?

    「以前試過帶阿女睇樓,結果試過去到一間屋,一出升降機已經狂喊,喊到七彩。佢連屋外面條走廊都唔肯行。」

    有錢人比窮人更迷信

    不少意見認為,一般人與其靠風水改善生活,不如相信「一命二運三風水」,很多人命運早已註定,不必執著風水對自身的影響:

    • 做生意就可以講風水
    • 有錢人比窮人更迷信風水
    • 仲信幾千年前無根無據嘅嘢
    • 外國人無風水屋點發達

    「見過室內擺好大座流水擺設,有啲水聲咁好治癒,一眼睇到已經好舒服。」

    風水聽得多變常識

    隨著討論逐漸激烈,有網民表示,愈早信風水,就可以愈早趨吉避凶,因而引來偏信科學理據的網民反駁,並且提醒大家風水只是生活的其中一種輔助:

    • 風水屋只是Debug(除去)單位將來有機會令戶主頭暈身痛的因素
    • 其實係環境心理學
    • 其實係個人自己形住風水有問題,做乜都疑神疑鬼
    • 風水係心理作用,個人會有信心
    • 背山面海無噪音、無廢氣,聽得多變咗做常識

    延伸閱讀:父親幫內地繼母加名落公屋 憂離婚後人財兩失 網民:70歲仲要送間公屋畀人

    延伸閱讀:【公屋奇景】元州邨「慳電高手」晚晚瞓走廊 街坊:舊時係咁慳冷氣錢

    關鍵詞
    網民熱話