「我的志願」影響一生理財觀?網民呻學校培養社畜 老師唔教投資理財 最多叫你月供滙豐

「我的志願」影響一生理財觀?網民呻學校培養社畜 老師唔教投資理財 最多叫你月供滙豐

有沒有想過小時候寫「我的志願」,可能會影響你一生的理財觀?日前,有網民以「細個寫『我的志願』真係害死好多人」為題在連登討論區發文,指記得細個如果寫想做醫生、消防員、會計師,就會得到老師讚好鼓勵;寫漫畫家、運動員、音樂家等夢想級別,可能會被老師點名讚揚;但如果你寫想做投資者或大富翁,就會被老師勸你踏實一些,甚至要見家長。

撰文:經一編輯部| 圖片:連登討論區、[email protected]

我的志願 財自後先再講

樓主更指,這些所謂「老師想見到嘅價值觀」,未能與現實世界接軌,幾多人去追逐做醫生、消防員或會計師,成功就成為社畜,失敗就浪費青春;幾多人去追逐夢想,漫畫家、運動員、音樂家,100個做到出名的都無1個,然後到30歲後,名又無、錢又無,最後淪為乞兒。

樓主最後感嘆,其實如果在中六畢業前,老師可以教下理財、搵錢、複利息增長,大家長大成人後就不用這麼辛苦,「所謂我的志願,做到財自後先再講啦」。

「我的志願」影響一生理財觀?網民呻學校培養社畜 老師唔教投資理財 最多叫你月供匯豐
(圖片來源:連登討論區)

老師都未必識理財 點教人

貼文一出,即引來網民熱烈討論,有網民同意樓主說法,指「其實係應該教基本理財、投資、税務等知識,而唔係出到社會先自己摸索。」

但有網民就直指「老師都未必識理財啦,點教人」,亦有網民反駁「(做老師)主任成60-70k一個月,仲好搵過你哋炒股,無風險又多大假」。

「我的志願」影響一生理財觀?網民呻學校培養社畜 老師唔教投資理財 最多叫你月供匯豐
(圖片來源:連登討論區)
「我的志願」影響一生理財觀?網民呻學校培養社畜 老師唔教投資理財 最多叫你月供匯豐
(圖片來源:連登討論區)

教投資理財 少咗好多奴動力

有網民就道出學校並不是教人財務自由搵錢,而是幫有錢人訓練打工仔:

  • 「如果真係要教投資理財個社會運作唔到啦,即刻少咗好多奴動力」
  • 「細細個就學投機取巧,怕你u都入唔到」
  • 「教你咁易搵到錢,低下工仲邊有人做」
  • 「如果個個都識理財,就無人做狗,咁就背離咗儒家社會內學校的作用」
「我的志願」影響一生理財觀?網民呻學校培養社畜 老師唔教投資理財 最多叫你月供匯豐
(圖片來源:連登討論區)
「我的志願」影響一生理財觀?網民呻學校培養社畜 老師唔教投資理財 最多叫你月供匯豐
(圖片來源:連登討論區)

老師教月供滙豐

另外有網民就表示,如果「乜都靠老師哂氣啦,你老豆老母唔識理財,你幾X叻仔都無用啦」。

有些網民就指,老師的確有教理財,不過…

「十幾年前中學數學老師真係有教我地理財,但係講緊叫我搵到野做就地月供滙豐。」

不知道該網民有沒有聽老師的話,還是希望老師從來冇教過自己理財?

「我的志願」影響一生理財觀?網民呻學校培養社畜 老師唔教投資理財 最多叫你月供匯豐
(圖片來源:連登討論區)
「我的志願」影響一生理財觀?網民呻學校培養社畜 老師唔教投資理財 最多叫你月供匯豐
(圖片來源:連登討論區)