診所職場事 寶豬趣聞 不信任我的姨姨 上集

診所職場事 寶豬趣聞 不信任我的姨姨 上集

有日電話不停響起~但好不幸我已經分唔到身去聽電話,因為…

診所得返我一個姑娘。

終於喺佢響咗唔知第幾次,我接到了!

我:「你好,乜乜診所」

佢:「喂?」

我:「係~你好~乜乜診所呀」

佢:「有人聽啦咩?我打咗幾多次過嚟呀!搞咩呀?」

我:「唔好意思呀小姐,今日診所好忙又得我一個,所以頭先一直忙緊聽唔到電話,請問有咩事呢?」

佢:「我唔係打嚟聽你解釋點解你唔聽電話呀!」

咁頭先你問我搞咩嘛…我咪答你囉?

我:「請問有咩事呀?」

佢:「我噚日嚟睇完醫生,有嘢問醫生呀!」

我:「醫生睇緊症呀,有啲咩問題想問嘅,我幫你問呀~轉頭打返俾你啦」

佢:「你覺得你會記得我咩?」

我不能忘記你呀!

我:「我會寫低嘅,放心,食晏前一定覆你~」

佢:「唔得呀,我對你份人好冇信心。」

估唔到你平時係咁留意我咁了解我。

我:「醫生係唔會聽呢個電話㗎,如果你真係要親自問嘅,要過嚟診所㗎,今日好多人呀,問嘢都要排隊呀~你俾我幫你問,咪可以唔駛咁頻撲囉」

佢:「你肯定你會幫我問?」

你俾人呃大㗎?人與人之間嘅基本信任都好似冇咁嘅,我好忙呀,我想收線呀,可唔可以快啲呀~

我:「I PROMIS!」

佢:「講咩呀你?」

我:「呀,我應承你~」

佢:「都係信唔過你,我自己過嚟問醫生啦」

嘟。

….咁我頭先喺度講咗咁耐電話為咩呀?

下回續。

延伸閱讀:

【寶豬趣聞】我返 Part Time 遇到呢位大姑

診所職場事 寶豬趣聞 不信任我的姨姨 上集

【寶豬趣聞】消毒藥水

診所職場事 寶豬趣聞 不信任我的姨姨 上集