政府年金計劃 香港年金計劃 退休 理財入門

政府年金計劃買100萬 月收5,800 自製長糧 買樓收租仲好 | 香港年金計劃 | 退休 | 理財入門

投資

廣告

【年金計劃】香港年金宣布,正式推出終身年金計劃,並命名為「香港年金計劃」。65歲或以上香港永久性居民可在登記期(7月19日至8月8日)內登記認購意向,為期三週。有關年金計劃的內部回報率平均為4%,實際取決於投保人性別、年齡及收取年金實際年期而定。若65歲男性投保100萬元,每月可取5,800元,直至終老。不過,1%Anthony對政府年金有保留,認為買樓收租更著數,分析如下:

撰文:1%Anthony | 圖片:visualhunt

朋友A: 「政府都推出年金計劃喎!」

朋友B: 「睇過…買100萬,每個月有5,800,幾好丫。」

朋友A: 「好咩?」

朋友B: 「每年收69,600,以100萬計咪成7厘回報?」

筆者: 「咁又唔可以咁計喎…」

朋友B: 「點解呢?」

筆者: 「個本呢?冇得攞番架喎!條數係本息一齊計架~~」

朋友A: 「其實保險公司自己計,回報4厘左右。」

朋友B: 「係喎!買樓收租,除咗租金,仲有層樓喎。」

筆者: 「係呀,長揸…層樓仲會升值添。」

朋友A: 「不過100萬買鬼到樓咩?」

朋友B: 「就算有多幾個100萬,都冇名額買啦!」

筆者: 「未必嘅,唔一定買香港樓,又唔一定買住宅嘛…」

很多朋友都唔知「年金」是甚麼?其實即是自製長糧~~

簡單來說,就是投保一筆錢,退休之後可以每個月出糧。

日前公佈的政府年金為例,假設你在65歲的時候時買入年金,繳付保費

為100萬,就可以保證每月收到年金金額為5,800元,保證期為182個月

,總數即等於105.56萬元,保證期後,陳先生仍能繼續收取5,800元年

金直至終老,越長命就越著數。如果早咗拜拜,受益人都可以繼續領取

保證年金。不過…唔係人人有100萬喎!其實很多保險公司都有類似計劃

,可以在年青的時候開始供款,每個月供幾千,供幾十年就有啦!

今日幾好睇,將來唔夠洗!

阿公阿婆的年代,銀行利息高,喜歡儲錢食息,加埋退休金,放在銀行

慢慢搣,不過好快就發現中伏!一來,自從金融風暴後,銀行存款利息

急跌,邊有得食息?只能咬老本。二來,通脹速度驚人,好快退休金已

 

經冇咗一大截!三來,很多非經常性開支,例如睇醫生,又或者有錢身

痕炒濃股等。記得兒時外公就是一個活生生的教材,大概30年前,手上

拿着60萬左右退休,很快就冇咗一截,生理、心理壓力好大,當時我們

環境又差,幫唔到好多,唯有節衣縮食,一個罐頭分兩餐,幸好有間公

屋,勉強支持到百年歸老。

後來,大家開始接受保險、現金流等概念…

每個月可以定期出糧,相比以前攞住筆退休金慢慢搣好得多了!不過仍

然都未能解決通脹的問題,每個月固定金額,每100萬每個月有5800元

,假設你買200萬,每個月就有11600元,唔計居住成本可能勉強都夠用

,然而10年後呢?20年後呢?物價可能已經貴咗一大截,購買力可能相

等於今天的7、8000元,夠用嗎?

 

相比之下,買樓收租比較實際…

在沒有辣招的年代,部署退休簡單得多,趁年青儲多個首期,一路放租

客租客幫你供樓,到退休的時候,可能已經有好幾個Full Paid的物業了

,一間自己住,兩、三間收租,基本只要楝樓唔冧,可以收租收到自己

百年歸老。而且租金會跟隨通脹上升,當一罐午餐肉由10元升到20元,

租金收入亦應該會有1萬元增加到2萬元,你的收入不會被通脹蠶食。再

者,物業始終在你手,若樓價上升,而你又懂得投資,期間再樓換樓,

一變二,二變四,就更和味。

 

傳統思維今時今日已經行唔通!

政府不斷出招,尤其是最攞命的非首置買樓15% 印花稅,如何買多幾層

樓收租呢?老公、老婆一人一層,一層自住,一層收租已經很不錯了。

加上政策失誤,令供應短缺,導玫樓價不斷爆升,租金回報已經跌至極

低水平,加多兩次息,又或者樓價升多一、兩成,已經做唔到供平過租

,蝕!又有朋友說,不如買舊樓做劏房,租金回報比較高,一來,唔識

搞可能違規犯例;二來,租客質素難有保證,管理難;三來,亦是最重

 

要的,租金回報高的,通常是樓齡極高的舊樓,將來脫手難,升值能力也低,難以換樓。

 

今時今日想要有豐盛的退休生活,就得開闊自己的眼界。

買保險?收年金?…也是其中一個方法。

其他金融投資產品,也可以,不過要識揀,別再來一次雷曼迷債。

其他磚頭也百花齊放,有人喜歡車位、舖位,筆者與同學們就研究不同

的物業,包括大陸樓、工廈等,在辣招下仍然可以倍增資產,只要識揀

、識增值,回報亦很可觀。