散戶跌市大手掃貨、3年長線持倉揀咩好：我仲想撈埋阿里巴巴，有無伏？
廣告
讀者來信：你好，我追蹤咗你一段日子，亦睇過你嘅書，的確inspire了好多以往我諗唔到嘅嘢，亦開始投資股票，首先要多謝你先想問下我入咗以下嘅股票，算買貴了還是平？我全部都係大市低位入，知道唔會撈到最低，但都想知入既價屬貴定平。
長線持倉攻守策略
我打算長線投資，放3年以上，另都想問下佢哋嘅企業質素有冇改變，我呢個價錢入其實係咪都可以繼續守，等佢哋升返？就算佢地而家因大市環境仲繼續跌都唔使止蝕對嗎？謝謝你。
| 股份 | 持倉 | 買入價 |
| （1299）友邦 | 400股 | 71.5元 |
| （1810）小米 | 400股 | 12.9元 |
| （7226）南方恒科 | 600股 | 7.9元 |
| （2845）GX中國電南 | 50股 | 129.6元 |
| （700）騰訊 | 100股 | 306.3元 |
| （778）置富 | 1000股 | 5.7元 |
| （388）港交所 | 100股 | 273.7元 |
投資組合需要改變嗎？我仲想入9988阿里巴巴，74元，價錢便宜嗎？謝謝。
龔成老師︰
現時全球經濟受不少不明朗因素影響，就算優質股股價都難免受壓。
你現時持有股票，都有長線投資價值。這個是一個偏增長型組合，若你是年青至中年人仕，是合適的。
整體而言，買入價都無偏貴情況，都係合理，照長線持有就可以。
但留意一點，ＸＬ二南方恒科（7226）產品之投資目標為追踪恒生科技指數每日表現兩倍（２ｘ）的投資業績。
雖然我長遠認為，恆生科技指數正面，但中短期可以較波動，由於這基金有槓杆，就會令價格更加波動，其實有風險。
宜投資無槓杆ETF
我會較建議投資無槓杆的恆生科指ETF（3067），始終較好。
至於阿里(9988)現價算合理區底，但預期佢有一定政策風險，不宜大注。
而且，你組合中已有不少科技股(7226,1810,0700)。個別行業長線最好不超組合30%比重，咁會較穏當。
免責聲明：本專頁刊載的所有投資分析技巧，只可作參考用途。市場瞬息萬變，讀者在作出投資決定前理應審慎，並主動掌握市場最新狀況。若不幸招致任何損失，概與本刊及相關作者無關。而本集團旗下網站或社交平台的網誌內容及觀點，僅屬筆者個人意見，與新傳媒立場無關。本集團旗下網站對因上述人士張貼之資訊內容所帶來之損失或損害概不負責。
撰文：龔成圖片來源：政府新聞處
