有50萬想投資 滙豐港燈電能港交點睇 | 龔成信箱
撰文：龔成 ｜圖片：網絡圖片
1.有50萬買咩好
如果將50萬去投資又應該點做?!
本人心目中股票組合有005,006,388,2638,目前有呢4種想買~
龔成老師：
以現時的市況，你可以將其中的$25萬，分注買入上述4隻股票，餘下$25萬持有現金，等大跌市才動用。
上述4隻都是優質的股票，可投資及長線持有，你將資金平均買入就可。由於現時市況不平，你最好分注買入，即是每隔一段時間，例如兩、三個月，才入一次，令買入價得以平均。（對照龔成信箱：Q4671）
2.錢從何來
老師~~現今巿勢凌厲，是因為大量金錢入巿，請問錢從何來？
龔成老師：
各國多年來不斷發行現金，這些會走來走去，因些各資產，總會上升的，外國、中國都有。有些資金原本在其他投資市場，但見股票的投資價值較高，就會流入。（對照龔成信箱：Q4672）
3.點為企業估值
其實係點為公用股進行估值，同埋一d偏門行業，好似福壽園咁都好難估值，你係點估?
龔成老師：
如果你是股票班學生，應該記得我做估值時，講述公用股是較易計算的，就在第四、五堂都有教，這是涉及較長的內容，因為企業估值是重要的部分。主要利用佢的生意、盈利、行業情況去分析。
福壽園（1448）的確是偏門的行業，我地進行估值時，可利用的數據會較少，例如行業的比例數據會不足，但都能估值，只要估算出來的數字，準確度會略減，我地要明白這點。（對照龔成信箱：Q4673）
4.北控水務
龔Sir, 50穩健收息股其中371現時配售集資，還可以再考慮嗎？
龔成老師：
其實，配股集資很正常，好多企業都會做，特別是市況時，反映市場資金好多，集資就易得多。只要企業不是經常做，以及做的數不是過大，其實都可接受。
不過，這類消息難免會令中短期的股價受壓。北控水務（0371）正面的，可買入及長線投資，但以現時情況，最好分注買入。（對照龔成信箱：Q4674）
5.長城汽車
2333 點睇？
$11果陣買 應該止蝕？
龔成老師：
長城汽車（2333）長遠不太差的，睇翻佢近年的財務數據，生意與盈利都有增長，但近半年的盈利開始有下滑情況，這但無可避免地對中短期股價，仍然波動。
現時價又唔算好貴，如果你的貨不太多，其實這股可以持有，長線不會太差，但預佢中短期仍能向好。（對照龔成信箱：Q4675）
6.中海油
老師,想問883, 點解aastock寫佢巿盈率係1002.47, money18又寫佢696.25, 我想問點解會有分別同埋點解個%會咁大?謝謝老師!
龔成老師：
市盈率的公式是市價除以盈利，由於上年度中海油（0883）的盈利數字好低，所以除出來，你會見到市盈率好高，一般企業的市盈率只有十零倍，但中海油卻有千倍，只是該年盈利低的結果。
如果佢之佢回復正常的盈利，就會變翻正常市盈率，一般來說，當我地見到過百倍的市盈率，會睇下佢盈利是否在當年特別的低，而令佢無代表性。
至於點解兩個財經網的數字唔同，可能佢地取的數據有少少不同，因為「盈利」，其實真正的會計定義，與一般人理解不同，但這要解釋好花時間，股票班先解釋到。（對照龔成信箱：Q4676）
7.吉利汽車
175 25蚊算合理水平嗎 呢隻股都唔差 但係市盈率好似好高下
龔成老師：
吉利汽車（0175）有潛力的，但股價已經不平，這企業近年的生意有明顯增長，產品受消費者歡迎，而且海外市場發展不錯。
但現時的估值略高，就算下年有明顯增長，預測市盈率都去到20倍左右，不平，但如果有貨，可持有，因為有潛力，同埋現時雖不平，但又未去到好貴的水平。（對照龔成信箱：Q4677）
8.郵儲銀行
老師，請問你如何看郵儲銀行（01658）前景？長期跌穿招股價，近日升了一點，但我是招股價$4.76買的，應否繼續持有？
龔成老師：
郵儲銀行（1658）又不算差，前景不過不失的，只是上市時的估值太高，以貴的價格賣比投資者，現時股價慢慢反映這事，回歸合理價格。
這股可以持有的，從財務數據睇，都是正面的，只是增長力不算太強。（對照龔成信箱：Q4678）
9.煤氣
請問，我打算買10手煤氣，但距會一直10送1紅股嗎？我打算持有20年。Thank you
龔成老師：
跟據過往的情況，煤氣（0003）大部分年份都有10送1紅股的，但這不是必然的，因為送唔送，由佢決定，而佢在過往20年間，的確有幾年唔送。
另外，10送1是會出現股價調整的。股東的股票數目會增加，但同一時間，股價會自然地下跌10%，因為10送1其實是一個左手右手的遊戲，投資者唔會有真實的增長。
但睇翻過往多年的股價，送股下跌後，都會慢慢上翻去，這反映實質股價有質上升。我地比較時，要比較更長年期的數據。（對照龔成信箱：Q4679）
10.港交所
老師，我是想問（0388）港交所什麼價位賣出好，我在約$200 買入（2500 股），見最近升了很多，但聽你說是潛質股，所以去到$300多都無放。
但如果我唔放，下次跌市回落，我就沒現金趁低吸納，請你比下意見，多謝你！
龔成老師：
港交所（0388）現時的股價的確不平，但這股又有一定的優質度。
其實，要睇下你博唔博，這股是週期股，所以大上大落是正常，就算數年後跌回合理區（$200），我亦覺得唔出奇。但這股在市旺時，將會有更明顯的升幅，而現時仍未到全面的狂熱期，因此有可能再升的。
其中一個做法，是現時先放1000股，套現作一些資金，如優質股回落時可把握機會。但我地無人知大市之後升跌，可時調整。（對照龔成信箱：Q4680）
體驗1分鐘貸款批核 隨時提款話咁易
平遊東京不是夢！最平住宿喺晒呢度！
編按：龔成是於公屋長大的80後青年，畢業後於銀行從事投資相關工作，雖然月薪僅萬多元，但因為理財及投資有道，只花五年時間，於28歲已累積到100萬元資產，目前淨流動資產有數百萬元。著有暢銷書《80後百萬富翁》、《80後2百萬富翁》及《財務自由行》，並出任創富課程導師。
facebook專頁：facebook.com/80shing
個人網站：80shing.skx io/
