人妻瞞老公借「1球」炒幣輸身家 連埋外母棺材本負債200萬：中咗網戀天仙局

人妻借錢投資幣市

近日有網民在連登討論區以「發生左d事唔知點同身邊既人講」為題發文，大呻老婆玩幣市輸身家，不知如何是好。

事主指，現時月入30,000 ，老婆月入40,000 ，二人拍拖2年，結婚2年，「結婚果陣買左樓，4xx萬做9成按，唔知還左幾多」。事主表示「本來一切都好美好」，直至懷疑老婆陷入幣市騙局。

事源老婆突然和事主坦白，表示從6間不同的銀行借了100萬，再將二人的儲蓄40至50萬、母親的20萬投入幣市。

事主大感不妙，隨即上網搜尋相關的交易平台，大量搜尋結果關於詐騙個案，於是事主叫老婆將錢取出，但對方指要等2至3日，事主當刻已崩潰。

「我自己研究過成單野之後，應該都奶左90%嘢…」

「佢係conbase wallet入面個browser再入上面條link，再彈入去另一個網到入錢…點睇都係釣魚…」

事主感到絕望，表示自己從小到大沒有經歷過大波折，「食飯飲水都諗住果一球，又唔可以同身邊既人講」，於是上網詢問廣大網友的意見。

網民：投資最忌輸身家

帖文引來網民的熱討，不少網民分析指，二人收入不低，相信二人只要腳踏實地，很快就能夠還清債務，最重要的是不要責怪老婆：

• 「你2個人工咁高加埋70K，慳慳地2、 3年都搵返啦，唔好怨咁多啦」
• 「大把人輸身家喇，你地都係輸1年人工，根本好少事。」
• 「你同你老婆既關係先係最緊要，2個人keep到，其實錢銀野唔係難事」
• 「最緊要人冇事，當係難關，唔好為左一球搞到頭家散左咗」
• 「依家大家需要支持多過指責」

部分網民認為借錢玩幣市十分不理智：

• 「最傻係借嗰一球，投資最忌輸身家」
• 「幣都已經高風險，仲要借錢玩」
• 「一球野都應該凍過水」
• 「睇樓定跳樓一線之差」

有網民懷疑事主老婆陷入「網戀天仙局」，擔心事主和老婆有感情危機；也有部份網民指責她是「賭仔心態、貪心到冇咗理智」。

樓主最新回覆指會報警處理，自己亦會積極面對，粗略計算現時欠債220萬內，計畫每月還50000元，分60期，但未計日常開支、供樓等，亦會去諮詢債務重組、結餘轉戶等方法。

延伸閱讀：家用公價2022｜上繳$30,000先准出夜街 好老公圍爐：其實男人要畀幾多家用？

延伸閱讀：連登仔自細被母親「放負」撥冷水 返工變鵪鶉畀人烚：我邊有理由嬲佢哋！