期貨

連登仔借錢玩期貨 一年狂輸85萬 破產是唯一出路?

投資

廣告

「玩期貨輸身家」的故事相信大家都聽得多,而近日又有一位網民在討論區發帖大吐苦水,皆因其借錢買期貨,豈料一輸再輸,最終共輸85萬。然而大錯已經鑄成,月薪3萬的他根本沒有辦法償還債務,走投無路的他只好上網求助,希望一眾網友可以想出一個不必破產的解決方案。

期貨
(圖片來源:(圖片來源:LIHKG 討論區))

瀕臨破產如何解求? 網民總結期貨心法

該網民在連登討論區以「『勸世+求助』無實力無定力千期唔好亂玩期貨,輸到傻」為題發帖,帖文罕見地有圖為證,圖中清晰見到樓主一年以來已經輸掉73萬,他再表示「連埋今日輸多11萬總共輸左85萬。真係勸大家唔好亂玩期貨,要夾起上黎一定夾到你死為止先會停。」並指「而家輸到唔知點算,每個月先揾3萬蚊,借左DBS 30萬 (三年每月還9千)、WeLab 25萬 (二年每月還1萬)、仲差2張信用卡20萬同8萬,另外每個月要比8千家用,唔敢講輸咁多錢所以唔敢停比家用。唔知點先解決到,想追就越追越輸,而家輸到無得再輸,唔知點算又唔想老破。」

期貨
(圖片來源:LIHKG 討論區)

帖文一出立即引來不少花生友湊熱鬧,其中大部分留言都是針對樓主心態:

「唔係講笑,你條curve都冇點升過⋯⋯有冇考慮過反手操作?」

「一年黎無贏過都唔識停手,仲要係借住錢輸。你不斷輸唔係最攞命,你唔認輸果下攞命,識人賭錢輸落百幾萬,再借舊大錢想一鋪番身,最後跳樓死左⋯⋯」

「樓主,及早回頭,搵人幫你啦。」

「其實玩期貨,一要心臟勁、二要識技術分析、三要set止蝕。」

「股票都仲可以靠運,期貨係冇可能。趨勢一開始,隨時夾你幾千點,你想玩槓桿不如正股期權。」

不過也有不少網民認真為樓主解決問題,其中一位網友如是說:「巴打幾多歲?仲有幾多儲蓄?你而家最唔可以做既就係想追返條數。你越想追就越心急,好易做錯決定,再輸更多。唔好睇個市,睇下啲 loan可唔可以拉長還款期,每月就可以還少啲,再努力工作,加油!」

事實上,雖然不時會聽到有人炒期貨會輸身家,然而期貨最初設立的目的,就是為了控制風險。在港股期貨市場,有指數期貨及股票期貨,部份投資者會用來和現有股份做對沖,從而減少損失。所以問題從來不是期貨的風險高低,而是投資者的心態和目的。

延伸閱讀:中央擬向科技巨擘索1%股權 傳向騰訊、美團埋手!網民:直接掌控董事會!

延伸閱讀:央視:杭州「馬某」涉煽動分裂國家被捕 阿里巴巴股價聞訊插近1成

立即加入經一Patreon共肥計劃

限時尊享85折! 全年訂閱慳更多

全新訂閱計劃內容將全面升級!尤其美股當炒、加密貨幣新興起,經濟一週特別搜集業內專家撰文分析,深入淺出拆解脈絡。


經濟一週Patreon限時尊享85折!訂閱經一Patreon後,更同時能閱覽投資名家專欄與分析,及投資專題報道。

免責聲明:本專頁刊載的所有投資分析技巧,只可作參考用途。市場瞬息萬變,讀者在作出投資決定前理應審慎,並主動掌握市場最新狀況。若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

撰文:Algy Yung圖片來源:LIHKG 討論區