主流思想 不一定是對

筆者：「哦！」
朋友：「你好似冇乜反應咁嘅？」
筆者：「你覺得應該有咩反應呢？」
朋友：「你唔驚咩？七成以上喎！樓價實有排跌。」
筆者：「只係代表佢哋睇法，唔代表樓價真係有排跌。」
朋友：「唔係多數人覺得會跌，就會跌架咩？」
筆者：「當然唔係，主流思想好多時都唔一定啱。」
朋友：「例如呢？」
筆者：「每次股災之前，大部分人都覺得股市會升，最後呢？」
朋友：「股市大跌，大部分人都輸到開巷。」
筆者：「同樣每次谷底回升前夕，多數人都覺得會跌。」
朋友：「講開又好似係。」
筆者：「就好似2004年，多數人都覺得會繼續跌。」

朋友：「睇返轉頭，個個都後悔點解當時冇瞓身買樓。」
筆者：「仲有2009年，個個高官都話有金融海嘯第二波。」
朋友：「當時我都驚，所以冇買到，諗返都幾後悔！」
筆者：「所以民意調查，只反映市民睇法，唔代表真係咁行。」
朋友：「今次呢？」
筆者：「其實部分資深投資者，例如湯文亮博士已經改變睇法。」
朋友：「我都有留意。」
筆者：「仲有豪宅新盤熱賣，唔少有錢人已經入市。」
朋友：「講開又講，好似仲有參考價值喎，哈哈。」

世上逾70%人擁3%財富

某大國際金融機構，每年都會發表一個名為「財富金字塔」的統計報告，統計全球財富分佈，原來財富分佈非常不均。

金字塔底部，逾70%的普通人，擁有僅逾3%的財富。反映大部分人的所謂主流想法，在投資角度看，不一定對，更不代表能帶給他們財富。再看看其比例數字，非常有趣，剛巧又是70%。既然如此，何必要為這個所謂主流想法而憂慮呢？

金字塔頂部，最富有的1%人，擁有40%以上的財富。反映這少部分人的另類想法，可能會更賺錢。如果選對參考對象，這1%人的想法，好好學習、運用，往往能帶給你更大的財富。

大部分人都很容易受到環境氣氛的影響。事實上，每個人都有自己的工作，正所謂，你有你的生活，我有我的忙碌，並非很多人對物業投資市場很熟悉。

例如一個做政府工，高薪厚職的朋友，忽然有人問他，點睇未來一年的樓市？他是否可以有充足的資訊、分析並作出客觀回應呢？還是只道出他的感覺？這感覺從何而來？會否來自身邊的親朋戚友呢？還是來自社交媒體上，每天都在洗版的劈價、冧市新聞？

豪宅新盤熱賣 入市都是老手

之前有一篇文章曾經寫過，最近不少豪宅新盤熱賣。例如天鑄二期、西半山殷然等，買得起數千萬元物業的人，身家估計應該逾億元，應該不是普通的打工仔。

他們應是做生意的大老闆，或是資深投資者，市場經驗比大部分人豐富，如果他們覺得樓市仍然要下跌三成，試問又點會真金白銀入市呢？是否更有參考價值呢？

你可能有興趣的文章：
【年輕人買樓心魔】
http://www.edigest.hk/Vip/detail?id=2611
【買樓需要理性 也需要直覺與勇氣】
http://www.edigest.hk/Vip/detail?id=2568
【上車前要考慮的七件事】
http://www.edigest.hk/Vip/detail?id=2391