新都城裝修│「紅館式」升降飯檯、巨型地台 網民大開眼界：3房1廳都搞到咁

新都城膺十大屋苑

新都城各期單位間隔多元化，整體實用面積介乎363至735平方呎，主力涵蓋2房、3房連套房、3房連套房及儲物房等戶型，亦有少量連平台戶及頂層連天台戶。

新都城成為上車家庭熱門屋苑，除了交通便利，往返九龍港島有港鐵直達，各期基座商場店舖種類繁多，方便住客日常消費，亦有多條行人天橋連接附近公屋商場。

新都城平均放盤呎價16,189元

參考美聯物業網站，過去30日內，新都城30日錄得約16宗成交，目前屋苑放售單位約228個，放租單位約有158個，為將軍澳區租售活躍私樓之一。

網站顯示，新都城過去30日平均成交約13,910元，呎價較上月跌5%，同期平均放盤呎價約16,189元。校網方面，新都城屬於小學95校網，中學則為西貢區。

事實上，新都城由最早入伙至今已近28年，期間經過多次轉售和折舊，不少新任買家都會為單位重新佈置裝修，社交平台亦有不少裝修個案分享，方便業主構思裝修方向。

不過，日前有網民發現有YouTube裝修頻道介紹3房2廁1廳1廚1工人房裝修完成品，從影片所見，設計師將該單位客飯廳增設地台，以提升收納空間，更設有升降式飯檯，睡房亦有精心設計、而廚房則換上玻璃牆身，惟網民對此裝修卻有所意見。

網民：成個飯廳消失咗！

• 「咁X大個廳，連張飯檯同茶几都要升降式，叫班朋友黎都比人笑。」
• 「廚房隻色已經夠X，牆上面仲要有4個插蘇位一個個整齊排開，X到笑死人。」
• 「個廳真係痴線，話想多啲儲物空間姐，但唔會想食個飯都咁辛苦呀。」
• 「要喺張飯枱同茶几上面行嚟行去？」
• 「老土俗氣，朋友上黎玩都白鴿眼。」
• 「張飯枱下面擺唔到嘢，茶几下面擺唔到嘢，仲要擺埋梳化，個地台仲有幾多位俾佢擺嘢？」
• 「佢講明廚櫃隻色係戶主比較鐘意，即係個客自己選擇，我估佢自己都知出事。」
• 「成個廳大半都係地台，地台上行來行去姐係要成日抹。」
• 「空間就是空間，做地台只係會將空間縮小，買少啲嘢仲好。」
• 「個廳行都無地方行，啲色又唔襯。」

新都城二期元旦長假獲承接

至於近日成交方面，美聯物業將軍澳新都城分行區域經理黃少明表示，新都城12月成交約16宗，平均呎價約13,848元，元旦長假期錄頂層連天台戶成交，售價683萬元。

上述成交單位為新都城2期8座頂層戶，實用面積441方呎，屬2房間隔，連290呎天台，單位內櫳企理，加上基座有大型商場，且鄰近港鐵寶琳站，吸引用家承接。

據了解，單位放盤約半年，原叫價800萬元，近月連番降價，吸引用家承接，以683萬元成交，累減117萬，減幅約15%，折合實用呎價約15,488元。

資料顯示，上址原業主於2011年11月以353萬元購得，是次轉手帳面賺330萬，升值93%。

延伸閱讀：黃埔私樓「如有神助」跌得少 中原睇好全區今年反彈10%：樓價有保證！

延伸閱讀：大公司請人要求多 應徵者人工寫$10500頂爛市 網民：窮啫，都唔好做壞規矩