樓市

樓市癲喪 好爸爸俾500萬仔女上車

樓市

廣告

樓市癲喪,莫講話一房新盤要賣過千萬,就連二手屋苑窩居細單位,實用得果三百幾呎,四字頭盤亦買少見少。後生仔要靠自己白手興家上車,真係絕無僅有。不過,如果有個富爸爸又唔洗驚,一於成功靠父幹。

原來過去5年內,流動資產過千萬嘅富翁,當中有38%曾經真金白銀俾500萬過仔女買樓,俾超過200萬嘅都有29%,真係世上只有富爸爸富媽媽好。

但有一點值得留意,調查發現呢批千萬富翁,有62%係估計未來兩年樓價會跌。明知樓價跌,都要「成功靠父幹」俾錢子女買樓,就知父愛母愛有幾偉大。

 

仲唔止,除咗幫仔女上車外,呢批千萬富翁爸爸媽媽,每月用於仔女嘅教育開支,足足有31,300元,比全港打工仔月入中位數仲高。

呢個調查係由花旗銀行於去年10月至今年2月,委託香港大學社會科學研究中心訪問3,770人,推算香港百萬富翁人數高達87.8萬人,千萬富翁亦維持最少5.9萬人!

 

千萬富翁年齡中位數為58歲,最年輕逾30歲,67%千萬富翁是已婚並有子女,13%已婚但無子女,20%是單身。

 

「花旗銀行香港千萬富翁調查報告 2016」調查要點:

 

(1)2016 年全港擁有1,000 萬元或以上流動資產的千萬富翁最少有 59,000 人。

 

(2)千萬富翁的資產分配比去年更多元化,他們平均持有更多投資產品。

 

(3)千萬富翁對於環球大事(如美國大選)的出現,就其投資決定未有作出適時改變。只有少於 20%千萬富翁會檢視其投資組合並於市況波動下作出調整。

 

(4)富裕人士的快樂指數隨著其財富增長而上升,但上升情況於其流動資產達 500 萬元至 1,000 萬元或以上未有持續。

 

(5)居住環境及教育制度是有較多千萬富翁對本港稍為不滿意的兩個範疇。

 

(6)千萬富翁對子女教育及其居住較關注,關注程度比自身退休安排更高。有子女的千萬富翁每月花在子女教育的開支約31,300元;有千萬富翁父母願意給予其子女500萬元或以上置業 。

太古城上月最新放盤叫價是多少?

太古城上月最新放盤叫價大約…各區樓市買賣詳情請看

九龍區有哪些大型屋苑放盤呎價最低?

九龍區不少受歡迎的大型屋苑呎價對比上月都有回落…各區樓市買賣詳情請看