邊種人搭的士最疏爽？的士司機抱怨乘客孤寒：住千萬豪宅都係外表風光

有的士司機在網上發文吐苦水，指自己日前開工期間，因見到有豪宅區乘客召「85折的士」的訂單而感生氣，更道出住豪宅與住公屋之間的乘客分別，直言「住公屋先至捨得使錢值得別人尊重」、「住幾千萬樓都係乞衣一個」。

的士司機：公屋VS豪宅，邊類乘客最疏爽

有的士司機在Facebook群組「的士司機資訊網 Taxi」分享的士應用程式上的截圖，指有一名相信居於豪宅的乘客召車，由沙田雲瀚前往半山干德道，而該乘客卻使用「85折」折扣召車。

至於圖中第二欄則顯示另一訂單，乘客由沙田博康邨前往葛量洪醫院，惟該訂單並未有如上一訂單般使用「85折」折扣召車。

的士司機：住幾千萬樓都係乞衣一個

相關訂單引起該名的士司機不滿，認為豪宅住戶做法極寒酸及不尊重：

• 「外表風光其實啲錢俾曬地產商搭的士都搭唔起。」
• 「住豪宅唔老屈你的士佬已經好好。」
• 「我揸的士都睇你唔起。」

他又表示，公屋乘客反而更有禮，接載時更感尊重，「住公屋先至捨得使錢值得別人尊重」、「在香港住公屋先至係皇道搭的士都會俾貼士」。

網民：住半山個啲全部窮到燶

有網民就事件留言，認為司機無理取鬧：

• 「有錢就要俾貼士咩，唔值得俾呀」
• 「人吔（哋）有幾千萬身家不如畀一百萬你啦？」
• 「一定老馮要比貼士你」
• 「揸的士有你這種人心態係恥辱。」

不過，有網民就認同該名的士司機說法，對司機表示同情：

• 「住半山個啲全部窮到燶㗎」
• 「富唔代表豪！豪唔代表富！」
• 「越有錢既越孤寒」
• 「唔屈折頭，下下比貼士，咁點住豪宅呀。」

有人亦同意公屋客人的確較闊佬，「我車過好多上咗年紀喺屋邨上落客人，好多都唔收尾數，當貼士，新年有啲仲畀利是。」

有過來人表示，住私樓每月要供樓，一般要供30年， 所以要「死慳死抵」；反而公屋好多隱形富戶，無負擔願意畀貼士。

延伸閱讀：執平貨系列｜康怡「千萬則王」淪落至740萬、美孚新邨放盤年半減3球甩手

延伸閱讀：英國辛偉誠「最有米首相」身家多過國王查理斯？英媒爆離地生活惹爭議