誠哥 李嘉誠

誠哥大手沽半山豪宅等於睇淡?諗返2017年佢402億賣中環中心先啦!

專欄

廣告

讀者馮先生:你好!最近見到香港富豪「誠哥」大手沽貨,將半山波老道豪宅餘下的百多個單位,一次過以208億元賣給外國基金。是否連誠哥都睇淡後市,香港樓市會不會好危險呢?

一般人的想法是,買樓是睇好;賣樓就是睇淡。少年,你太年輕了!

賣樓不一定睇淡後市,最重要是下一步做甚麼。就正如筆者與不少學員,現在都有放盤,看淡嗎?當然不是啦。只是部分持貨已過額外印花稅(SSD),鎖定利潤換貨而已。

當然,亦不能排除誠哥是睇淡後市,他的眼光一向神準。

誠哥
(圖片來源:新傳媒資料室)

他近年最為人津津樂道的,要數2017年以402億元沽售中環中心大部分業權,其後寫字樓市場也經歷了一次跌浪。今次是否看淡呢?就要看套現之後他有甚麼大動作了。

如果他轉戰海外而撤資,那是睇淡。不過睇誠哥最近沽貨的動作,其實英國物業都沽不少,又未見巿場話誠哥睇淡英國。如果轉而在香港買地,那是換貨,尋找回報更高的投資機會而已。

又有人說,平賣,比之前平了不少。

根據報章報道,今次這宗成交估計獲得收益約63億元,即是這批貨的成本約145億元,利潤超過43%。

那是甚麼概念?就等如閣下買了一個500萬元的單位,幾年後,有人用715萬元跟你買,讀者賣不賣?

一般地產發展項目的合理利潤是30%,今次賣出價雖然比之前便宜,但利潤仍然遠比標準合理利潤高。

誠哥
(圖片來源:政府新聞處)

很多人說誠哥劈價睇淡後巿,到底便宜了多少?

話說這個項目之前賣了33伙,平均呎價由69,000元至特色單位天池屋13.9萬元都有,有專家評估,今次賣出價約便宜了三成。

首先,現在樓市受加息影響,全港樓價都下跌,賣價比之前低是肯定;再加上今次是152個單位加242個車位的大手成交,怎可能跟買一個單位相比呢?2億元與208億元相差逾百倍。

投資非要賺到盡

又有人說,遲點賣價錢或更高嘛,是誠哥肯定睇淡啦。

在一般人眼中,投資就是要賺到盡,沽貨要最高位;買貨要最低位,可惜貪字得個貧,很多人就是因為想賺盡,總是觀望,總是等等等,到樓價轉勢才來後悔,甚至連樓都買不到。

記住,無得賺盡。之前筆者試過一次,有一個單位,在2015年的時候放盤,因為想賺盡,錯過了高位,後來樓市下跌,該盤放租多兩年才賣,最後賣多幾十萬元。

誠哥
(圖片來源:unsplash@mikeenerio)

只要計啱數,高於合理利潤就可以了,把握時機,比單次賺盡賺得更多。

不要用自己有限的思維,去量度高手無限的可能;就算是,都應該全面些、客觀些。

例如今次這單deal,誠哥賣給了新加坡的基金,市場就單純說誠哥睇淡後市,樓市無得救。為何不說說新加坡基金睇好後市,大舉掃貨呢?又不睇下誠哥之後會不會掃地皮呢?這就是不夠客觀理智的分析,便會錯過很多機會。

延伸閱讀:港男月入3萬「儲唔到錢」 試吓供樓迫自己慳錢:做樓奴都可以身光頸靚!

延伸閱讀:國慶減辣助攻、樓價反彈好興奮:加息加雞碎咁多,有幾大影響呀|1% Anthony

圖片來源:unsplash@mikeenerio、政府新聞處