港女投訴 男友

港女投訴生日冇omakase 男朋友擲重本報復:去四季Caprice慶祝重陽

社會熱話

廣告

近日環球經濟不景,通脹失控兼股市動盪,相信不少市民就算不是節衣縮食,都會盡量減省無謂開支,然而,有港女卻因為妒忌朋友生日有男友請姐妹食omakase,而不停俾說話自己男友聽,男友之後唯有擲重本帶該名港女女友到四季酒店高級法國餐廳食飯慶祝重陽節,場面相當爆笑!

港元最新定期存款利率

姊妹個男朋友請食omakase

日前,有港男以「女朋友話我哋喺四季 Caprice 慶祝好失禮佢」為題,在連登討論區分享一則激嬲女友的事件:

「話說上星期五,條女啲姊妹個男朋友,請晒佢哋成班包場食omakase,慶祝個姊妹生日,自從食完個餐飯之後,我女朋友成個週末keep住投訴,又話我唔夠浪漫,又話我唔pay effort,仲binc話佢生日餐飯連生日牌仔都冇,大時大節又唔慶祝,完全冇驚喜。」

「得!你要驚喜,你要牌仔呀嘛!今次等我落重本,喺四季Caprice同你慶祝重陽節!哈!」

「去到最期待嘅甜品環節,條女望住侍應拎個無花果撻過嚟,滿心歡喜,仲問我今日係咩日子,did I forget anything?我心諗,驚喜難唔到我嘅,今次實冇死!」

港女投訴 男友
(圖片來源:連登討論區截圖)

侍應:重陽節快樂!Enjoy!

點知,重點來了,當侍應交足戲講完以下句子兼送上甜品後,情勢即時出現大逆轉,今次真係恒指上返3萬點都救唔返樓主…

「侍應放低甜品,講咗句,重陽節快樂!Enjoy!」

「唔知點解條女忽然間黑晒面,食完飯,送佢返埋屋企,佢都冇乜點出聲,啱啱佢就WhatsApp我,話覺得今日係Caprice搞埋啲重陽節快樂,好失禮佢,丟晒佢架,你啲女人又話要驚喜,而家比驚喜你,又嫌三嫌四,真係好難捉摸。」

樓主之後在留言又補充:「我又book貴餐廳,又有驚喜,點解佢仲唔滿意。」「明明侍應都陰陰嘴笑,但條女就黑晒面。」

網民:我係個waiter會笑到失控

樓主圖文並茂發出上述帖文後,即時引來網民熱烈討論,大部分網民都認為樓主風趣幽默,認為女友應該要識欣賞,亦有大量網民認為若果自己是侍應的話會笑到失控:

  • 「我係條女會笑死。」
  • 「巴打都幾重本。」
  • 「我係個waiter會笑到失控。」
  • 「寫字果個心諗做乜X?」
  • 「唔明D港女諗乜,明明好浪漫。」
  • 「感建分,或者了解吓其實佢喺段感情想要啲乜嘢?。」
  • 「唔知佢喺廚房嗰陣有冇偷笑。」
  • 「侍應應該都會笑到痴線。」
  • 「樓主女朋友係先人?」
  • 「你女朋友係好典型,想你捧佢喺手心當佢公主咁,如果你一做奇怪嘢佢就嬲?」
  • 「如果係我,我會勁冧,一陣sd俾條仔睇下先。」
  • 「你漏咗個紙扎hermes嘛,唔西你面都唔係人啦…下次記得補番呀!!」
  • 「下次有連登巴打條女話要食caprice,可以quote你幅圖話留返拜山先食。」

圖片來源:連登討論區截圖