譚仔上市抽唔抽得過?即刻睇連登媽咪麵6字真言!

譚仔上市抽唔抽得過?即刻睇連登媽咪麵6字真言!

社會熱話

廣告

在香港經營「譚仔雲南米線」及「譚仔三哥米線」品牌的譚仔國際,週四(4月15日)晚上正式向聯交所遞交上市申請。消息一出引起全城關注,股民亦很想知道「譚仔國際」抽唔抽得過!有網民在連登討論區發文,點名請教財經台著名燈神「媽咪麵」(麵咪媽),媽咪麵極速現身留下6字真言,大家識做啦!

撰文:經一編輯部| 圖片:連登、譚仔雲南米線Facebook、譚仔三哥米線Facebook

根據譚仔國際向聯交所提交的初步招股文件,該公司現時在香港經營72間譚仔餐廳及72間譚仔三哥餐廳,並在深圳經營1間譚仔餐廳及在新加坡經營3間譚仔三哥餐廳。

截至2020年12月底止九個月,純利錄2.3億元,按年升32.6%;剔除政府補貼1.26億及租金優惠;譚仔國際純利為9,300萬元,按年跌46.8%。

媽咪麵6字真言強烈看淡

譚仔上市文件曝光後,有網民在連登討論區上以「譚仔終於上市,麵咪媽點睇」為題發文,點名請教燈神意見。媽咪麵在貼文發出後不久即現身,留下6字真言「onX(戇X),等睇X冧」,強烈看淡。

譚仔上市抽唔抽得過?即刻睇連登媽咪麵6字真言!
媽咪麵6字真言!

網民見到媽咪麵看淡後,即刻看好譚仔前景,一致認為應該入飛抽IPO:

  • 「升硬!」
  • 「孖展抽!」
  • 「長揸等派息,之後食返碗譚仔慶祝」
  • 「OK,All in!」
  • 「不問價入啊!」
  • 「按層樓孖爆佢」
譚仔上市抽唔抽得過?即刻睇連登媽咪麵6字真言!
譚仔毛利率遠勝同業

譚仔毛利率遠勝同業

除了有媽咪麵加持,譚仔本身業績表現亦不俗。根據譚仔國際向聯交所提交的初步招股文件,截至2020年12月底止九個月,譚仔國際毛利率高達73.1%,純利率達17.8%;整體人均消費是58元。

整體毛利率超過70%,遠高於同業大家樂(00341)及大快活(00052)分別約4.3%及13.3%水平;加上品牌為港人熟悉,亦料會受惠疫後經濟復蘇,業績增長有望更明顯,睇來的確值得一抽!

延伸閱讀:【譚仔上市】當初「譚仔」和「譚仔三哥」為何拆夥?湯底秘方源自邊間?|品牌故事

延伸閱讀:譚仔上市|譚仔國際遞交上市申請 去年賣近2900萬碗米線