幫內地客買保險買樓 香港有「錢逃」？｜凍鏈茶專欄
廣告
內地五一黃金周話咁快又過咗喇，4/29 至5/2四日有超過56萬人次內地旅客入境，只係恢復返疫情前嘅六成左右。市面上多咗拖住個喼四圍走嘅旅客，小弟本身中環返工，呢幾日中午見到唔少後生仔女繁忙時間喺馬路中央不顧安危咁打卡同拍片擺上小紅書，險象環生。
雖然多咗內地人嚟香港，不過做餐廳嘅朋友話，話荃灣區生意都係咁淡靜，另一個屯門區做藥房嘅朋友亦話只係多咗小小生意咁大把。而家內地都有唔少好西食，真係嚟玩嚟買嘢嘅遊客多極有限。
咁旺咗喺邊呢？保險界朋友話，佢地就真係多返好多單，唔少保險公司最近亦都重新擴張保險團隊。
圖片來源：patreon@EDfattogether
