父母要求夾錢畀首期｜弟弟反客為主求分身家：阿哥結婚買樓，關我鬼事？
廣告
本年度財政預算案，簡稱「波叔Plan」放寬首置人士的按揭成數，上限1000萬元的物業可造9成按揭，而上限1200萬元的單位則可造8成按揭。上車門檻似乎放寬，吸引置業人士蠢蠢欲動入市。然而，並非每個人能一下子拿出現金作首期，近日一個家庭因首期問題，差點搞到「六國大封相」家變的局面。
要求分身家
近日有網民在討論區撰寫帖文，不滿父母要求為即將結緍的哥哥夾錢買樓，協助對方繳付首期。該樓主表明個人身無分文，不會夾錢，亦不會增加家用的金額。他更有一招「玉石俱焚」的想法：
「而家我諗住一係叫老豆老母俾幾多錢我大佬買樓，就俾返幾多我。一係叫佢地轉左而家住緊個層樓俾我咁先fair。」
言下之意，怒火中燒的樓主，認為應分到父母資助哥哥的金額。更甚的是，為求「公平」，他認為要取得父母名下的物業，實情是提早分身家。
網民聲援：長子思想難改變
樓主發請教網民意見及反抗方法，當中有人支持亦有人反對。有網民對樓主情況甚感同情。
有人認為唔夾錢實屬合理，亦避免將來無謂的爭拗而要對薄公堂，相嗌唔好口，無為「法庭見啦」
- 好多人怕講錢 ，但反而 依家吾講。將來就真反面 ， 你睇幾多有錢人白紙黑字 ⋯⋯乜都吾寫既 ，反而爭到上法庭。
- 日後搞到好唔愉快，大把呢啲案例啦，你都講得啱加名都係一個好方法。
- 加名係最合理做法，保證各方。
坦白好過家變
正所謂一世人兩兄弟，一家人何必斤斤計較。學廣告話齋，今日你幫吓我，他日我都會幫到你。故此，有網民不齒樓主所為：
- 你窮嘅無工作咪直接同屋企人講囉，洗乜搞埋哂呢個家變嘅嘢出嚟呀。
- 唔幫手將來啲大時節大家點相見呀？
圖片來源：香港討論區截圖、政府新聞處、《黑社會2：以和為貴》劇照、unsplash@Alexander Grey
