10集理財真人Show 一次過重溫

理財

廣告

《經濟一週》全新節目【理財真人Show】第一季,係由一班理財專家,專門拆解呢班後生仔女嘅理財奇難雜症,只要跟足專家建議,話咁易就達成理財目標。

劇集由2017年9月式開始播出,合共有10集,當中包括7集真人Show個案,以及3集專家番外篇,反應熱烈。

現在,就讓大家一次過重溫各集內容。

【理財真人Show】第一季Ep.1

慳錢大挑戰 人工低也要租樓?上集

第一集主角阿隆,今年27歲,從事傳媒工作。原本同家人同住屯門公屋,但想有自己私人空間,於是透過專家建議的慳錢計畫,慳到盡想有餘錢租樓住,你估阿隆可否成功完成呢個慳錢大挑戰?

【理財真人Show】第一季Ep.2

慳錢大挑戰 為咗層樓可以去到幾盡?下集

第二集阿隆將親身體驗死慳死抵為儲錢租樓嘅滋味,你估阿隆可否成功完成呢個慳錢大挑戰?

【理財真人Show】第一季Ep.3

投資新手 趁個市旺學投資 上集

今集繼續有另一個新人類上嚟理財真人Show。後生女 AK 唔識投資但又好想賺更多錢,到底響專家恐龍Sir Larry 教路之後,AK 可唔可以達成佢錢搵錢嘅目的呢?

【理財真人Show】第一季Ep.4

投資新手 一個禮拜賺三千幾蚊  下集

呢集AK會真人實試去買股,到底佢成績如何?係咪可以達成佢終極目標呢?

【理財真人Show】第一季Ep.5

儲錢大法 一針見血指出三大理財問題 上集

今集睇吓今年 27 歲嘅大男孩 Adrian 點樣達成理財目標啦,仲請來 28 歲時已累積到 $100 萬資產嘅創富課程導師龔成(成哥)教路。

Adrian 從事舞台表演工作,係一名自由工作者,每月收入唔穩定,佢話想 3 年內儲到 $5萬-10 萬﹐對於一個冇乜理財觀念嘅人嚟講,難度高唔高呢?即刻睇吓今集專家成哥點樣指點迷津啦。

【理財真人Show】第一季Ep.6

儲錢大法 搵錢慳錢兵分兩路 下集

今年 27 歲嘅大男孩Adrian想達成理財目標,經創富課程導師龔成(成哥)教路後,到底 Adrian成績如何? 今集會講Adrian跟足成哥指點,認真實行儲錢大法,到底佢慳到幾多錢?又可唔可以成功開闢財路,增加更多收入?馬上追看新一集喇。

【理財真人Show】第一季Ep.7

儲錢大法 搵錢慳錢兵分兩路 下集

今集繼續有成哥龔成教路。 主角係freelance演員陳曾寧,為咗達成目標,成哥要佢實行每星期只用$350嘅地獄式慳錢法,到底佢成唔成功呢?馬上睇吓啦。

【理財真人Show】第一季 番外篇一

都唔係好貴啫!我都有六間屋啦!

如果大家有收睇第一集同第二集,大家一定有印象想搬出嚟租樓住嘅阿隆,經過專家《樓師父 Anthony》教路之後,點樣一星期只係用625蚊就可以過活。 好快到咗番外篇,不如就等我地睇下到底呢位樓市專家 Anthony 有幾勁啦。

【理財真人Show】第一季 番外篇二

26歲就成功「上車」

今集為大家送上【理財真人Show】番外篇二,另一位專家恐龍 Sir Larry ,咪睇佢今年只得29歲,已經係炒股炒車位範範掂。快啲跟佢學嘢啦。

【理財真人Show】第一季 番外篇三

屋邨大 都有出頭天

睇咗咁多集之後,希望各位都掌握到一啲理財知識同概念啦。想再睇多啲?不如今集又睇吓我哋另一個專家龔成(成哥)嘅致富奮鬥故事啦。 屋邨長大,細細個已經識得執BB彈出售無本生利,18歲開始投資股票,到28歲已累積到100萬元資產,目前淨流動資產有數百萬元,呢集話俾大家知佢係點樣做到,馬上追看新一集【理財真人Show】啦。