2蚊乘車優惠｜ 2026 兩蚊兩折點計？適用交通工具＋收費表一覽

邊個啱用 2 蚊乘車優惠？

「二元優惠計劃」受惠對象分兩大類，須使用指定八達通先可享用優惠：

要留意，二元優惠計劃不適用於以現金、不記名長者八達通及一般個人八達通支付車／船資，一定要用返上表指定的八達通先有得減。

2026 年新制「兩蚊兩折」點計？

由 2026 年 4 月 3 日起，二元優惠計劃嘅收費方式由「劃一 2 元」改為「兩蚊兩折」，按成人票價高低分兩級計算：

官方舉例說明實際計算方式：

個別路線設有居民／非居民、假日／非假日等不同成人票價，二元優惠計劃會按適用嘅成人票價計算「兩蚊兩折」收費；居民身份須先向營辦商或屋苑管理處為八達通加註，先可以居民票價計算優惠。

邊啲交通工具適用？

根據 運輸署官方公佈，二元優惠計劃涵蓋以下公共交通工具及服務：

以下服務不適用二元優惠計劃：機場快綫；往返羅湖、落馬洲及馬場站的東鐵綫服務及東鐵綫頭等服務；機場巴士「A」及「NA」線、馬場路線、長途巴士新型服務、特定旅客觀光路線及以預約和團體租用形式提供的特別服務；豪華位服務。

樂悠咭同殘疾人士八達通點申請？

60 歲或以上香港居民可透過八達通 App 或郵寄表格申請樂悠咭，首次申請行政費由政府資助；60 歲以下合資格殘疾人士則由社會福利署完成綜援或傷殘津貼審批後，寄出已核實資格嘅「殘疾人士身分」個人八達通申請表。完整申請資格、所需文件同流程，可參閱本站 📌 延伸閱讀：樂悠咭申請｜60歲兩蚊兩折點計？資格／文件／流程一次睇晒。

轉乘同前段分段收費點計？

「兩蚊兩折」優惠同樣適用於涵蓋喺計劃內嘅轉乘車程：後段收費會按成人票價扣減營辦商提供嘅轉乘優惠（如有），再以「兩蚊兩折」原則計算；港鐵提供嘅轉乘優惠，則會先計算「兩蚊兩折」下應收費用，再扣減其轉乘優惠。城巴、九巴等主要營辦商嘅轉乘優惠計法可參閱：📌 延伸閱讀：城巴轉乘優惠｜BBI 轉乘規則點計、九巴轉乘優惠｜八達通轉乘點計。

部分專營巴士及專線小巴路線設有前段分段收費，受惠人士須喺下車前或下車後再拍一次指定八達通，先可獲得前段分段收費回贈；乘搭新大嶼山巴士或專線小巴時，應喺上車時告知司機下車地點，等司機調校八達通讀寫器後才拍卡。

常見問題（FAQ）

「兩蚊兩折」實際點計？

成人票價 $10 或以下劃一收 $2；成人票價高於 $10，受惠人士須繳付成人票價嘅「兩折」，車／船費以四捨五入方式調整至最接近嘅一毫。

邊個啱申請 2 蚊優惠？

60 歲或以上香港居民（包括 3 個月內滿 60 歲人士），以及殘疾程度達 100% 嘅綜援受助人或傷殘津貼受惠人，均合資格享用優惠。

可唔可以用現金或一般八達通享受優惠？

不可以。二元優惠計劃不適用於現金、不記名長者八達通及一般個人八達通，必須使用樂悠咭或已加註「殘疾人士身分」嘅個人八達通。

轉車嘅車費點計？

如轉乘車程涵蓋於二元優惠計劃內，後段收費會按成人票價扣減營辦商提供嘅轉乘優惠（如有），再以「兩蚊兩折」原則計算。

小朋友有冇類似優惠？

個別營辦商設有指定年齡組別兒童免費乘車安排；合資格殘疾兒童如毋須拍卡即可繼續享用該安排，若不慎拍卡，部分營辦商或會扣除二元優惠計劃嘅優惠票價，詳情請參閱各營辦商公告。

資料來源：勞工及福利局——政府長者及合資格殘疾人士公共交通票價優惠計劃、運輸署——二元優惠計劃（資料更新日期：2026 年 8 月 20 日）。