大馬「過江龍」茶室硬食業主53萬瘋狂月租 頂手費僅5萬：賣幾多件咖央多士？

大馬茶室5萬求頂手

該則帖文來自一間位於尖沙咀加連威老道的「過江龍」食肆，該廣告表示，店舖頂手費僅5萬元，令一眾網民大吃一驚；同時，疑似店主更透露目前舖位月租為53.8萬，每月管理費為16,484元，每月差餉為19,500元。

該舖位地下連一樓，總面積約7,000呎，頂金費用已包括所有生財工具及硬件，頂手人可以繼續如常營業。

雖然意向頂手費只需5萬元，但網民認為，以目前餐飲行情而言，主力售賣咖央多士的茶室實在難以回本。

有食客反映：「我由佢基隆街第一間開始食，果陣個咖咉多士先17蚊，依家好似加到35。佢一發大嚟做，仲要係咁加價，成條數就會失衡。」

網民點睇？

• 「比成五六十萬租一個月，咁高風險真係博唔過。」
• 「香港間舖留比班吸血業主空置喺度月月自己攞錢還mortgage好過。」
• 「我由佢基隆街第一間開始食，果陣個咖咉多士先17蚊，依家好似加到35。」
• 「五十萬一個月租拎去做定期唔好？」
• 「響沙田同其他區看到開分店後，再去咗一次尖沙咀食，真心已爭好遠。」
• 「500,000一個月真係去搶。」
• 「有人要都偷笑，仲收頂手費？」
• 「淨係租都成萬9一日，仲未計人工，燈油火腊同食材。」
• 「放長雙眼睇下而家深圳啲舖頭咁暢旺，啲業主會唔會加租？」
• 「其實食肆老闆應該即刻全面退租，等業主減一半租，先租返做生意。」

延伸閱讀：店舖執笠│邊類業主最自私？借「澳牛」逆市加價反擊港人：憑咩叫我減租？

延伸閱讀：會德豐「樓神」3年擴充收租版圖！1600萬再買太子地舖只因一餐「潮州打冷」