店舖執笠│邊類業主最自私？借「澳牛」逆市加價反擊港人：憑咩叫我減租？

店舖執笠 業主有責？

正當網民指控業主瘋狂加租，漠視小商戶營經困難之際，再有業主以長文回應各種指控，並重申身為業主亦面對外界難以想像的財政壓力。

該名業主於群組發文，表示「業主憑實力買鋪，你哋憑咩叫佢減租？」他解釋，在經濟困難時期租戶要求業主減租，但業主因真金白銀購舖是基於自身財務實力，又質疑為何在商戶經營困難時，業主需要承擔減租責任。

該業主強調，自己亦有龐大財務壓力，包括供樓和潛在財務風險，並非所有業主都能大賺特賺，自己亦要承受經營風險，「首當其衝就是影響銀行估價，火燒連環船，你也能想像後續情況。」

與此同時，業主又提到減租可能對商舖物業價值造成負面影響，導致物業貶值和增加銀行Call loan風險。反指，如果有租戶能夠在逆市中增加收入，其他租戶經營不善應該自我反省，而不是將責任推給業主。

他以澳洲牛奶公司逆市加價事件為例，暗示問題可能在於租戶競爭力和吸引力不足，而非業主加租令店舖結業。

網民點睇？

• 「消費者都係用自己錢，你哋憑咩叫佢地留港消費？」
• 「唔鍾意做業主咪賣咗佢囉。」
• 「佢千祈唔好減，我期待香港成條街都係吉舖。」
• 「唔緊要喎，你咪丟空佢，好閒姐，又唔係我供，你供咋嘛。」
• 「非常同意，業主有實力唔減租。而租客或準租客亦有唔租的權利」
• 「人哋鋪頭稍微好生意，即刻加人2倍或3倍租先肯續約又點解。」
• 「減唔減都無所謂，因為都唔會出街消費。」
• 「我唔係商舖業主，不過我支持唔減租喎。」
• 「業主有能力，鋪位有競爭力有吸引力嘅話，又點淪落到要丟空等人租呢。」
• 「破壞香港經濟就係你呢班業主。」

延伸閱讀：先達廣場炒燶納米舖！苦主13年前斥838萬炒舖 「劏場始祖」埋單跌剩幾多？

延伸閱讀：店舖執笠名單│業主FB反駁「吸血鬼」指控：商業決定，你理得我丟空十年