深圳Costco首日開 港人兩千蚊買巨型草莓熊 貨車運送：「真係超正」

除山姆超巿(Sam’s)備受港人追捧之外，另一大型超市Costco開市客今日（12日）亦在深圳「插旗」開業。吸引大批民眾在外打蛇餅，有指須輪候約超過1小時，才有望入場掃貨。超市內應有盡有，包括設有奢侈品專櫃，出售名牌愛馬仕（Hermès）手袋、名貴鐘錶。另外亦有人辦年貨，買年花。場內不少港人身影，應驗早幾日內地網媒預測：「已經預感香港人要狂沖costco了」Costco今早約10時30分向會員發短訊，深圳店停車位已滿，進場需等候至少3小時以上。Costco超市門口以購物車排成「閘門」，不准顧客進出，由職員分批放人入場。除水果、雪藏海鮮、凍肉、麵包蛋糕之外，巨型迪士尼公仔草莓熊亦成為場內最搶手。有港人事後於facebook興奮發文：「身為Lotso 迷的我，本身今日深圳Costco 第一日開幕我冇乜感覺， 但見佢賣嗰2隻size Lotso 真係超正超跨張， 貨車運送大嗰隻1999人仔，中size 放係超正超跨張， 貨車運送大嗰隻1999人仔，中size 放得後座喏隻今日特價399人仔，仲要有士多啤酒味及Pat Pat 內藏毛毯」帖中可見兩個巨型草莓熊公仔，其中一個要放置於貨車上，但體積無阻港人熱情照買。據知順豐於Costco超市出口外搭置攤位，提供即日送貨返香港服務，如在早上11時半交貨給順豐，即日晚上可到香港。如在當日下午8時前交貨給順豐，翌日中午可到香港。運費3公斤貨物起跳，收費¥50人民幣起。