深宵一碗牛雜湯賣成$1,400 外賣員超短裙上陣被質疑提供另類服務

社會熱話

Nov 17 2023

內地愈來愈多新搞作，例如推出「戀愛體驗館」、「女僕網吧」等，統統都被網民質疑似乎係掛羊頭賣狗肉。近日根據內媒報導，內地一間外賣餐廳似乎「異常不同」，深夜時分外賣餐單非常昂貴，一份牛雜湯要成1,400人仔？！到底係咩事？

深夜外賣餐廳賣人仔1,400牛雜湯粉

根據內媒報導，內地瘋傳一間深夜營業的外賣餐廳，該店營業時間為晚上23:00至次日6:00，餐單有人仔1,400元的牛雜湯粉、1,270排骨湯粉、1,270元的肥腸湯粉、1,790元的小炒黃牛似飯等，外賣餐廳仲有唔少人留言點評又有飯菜的相，睇落好似正正常常，但食物異常貴。

外賣員超短裙上陣被質疑提供咸濕服務

直到10月30日，一位網民喺外賣餐廳發表留言，仲上傳咗外賣員照片，外賣員著住超短裙送外賣！即被網民質疑呢間外賣餐廳似乎係掛羊頭賣狗肉，疑似係有提供咸濕服務！跟住去到11月1日，該店立即顯示為關店，成間店喺外賣平台下架。外賣平台亦回應因為外賣員的穿著係唔符合騎手規範，11月2日時發現店鋪地址唔啱，交俾警方開始調查。