港女炮轟Five Guys漢堡包加汽水要近$200 ：「個包濕到好似落雨咁款」

社會熱話

Nov 17 2023

Five Guys一直以來憑著漢堡和奶昔而聞名，受到不少人喜愛。不過最近就有港女大呻自己於Five Guys叫了一個漢堡包和薯條，若果再加汽口，埋單要近$200，相當貴！

港女炮轟Five Guys漢堡包加汽水要近$200

這名女生於Facebook群組發帖指自己出於好奇心下去食Five Guys，叫了一個煙肉芝士漢堡包，以及一份辣香料薯條。單是漢堡包就價值$110，而薯條價錢為$48，總值$158。事主指若要再加$30叫可樂，就要花費近2百元，大呻價錢太貴：「我寧願食完去七仔買嘢飲」。同時點評食物偏重口味，令她非常口渴。

有網民指出從事主的照片看到漢堡包不夠乾身，「佢個包濕到好似落雨咁款」、「應該正視下E個濕到好似落雨咁款嘅問題」、「濕到咁，整得幾好食都冇用，個包已經吸晒d倒汗水塔晒，真係又核突又難食」、「名副其實貴到出汁」。事主解釋因為她加了番茄、青瓜及醬汁，才令到包看上去偏濕。網民就建議事主「我覺得好多人食完覺得唔好食，都係因為要晒咁多樣醬同料搞到個包又濕啲味又怪」、

網民批事主做錯1事！

有識食之人就批評事主的食法大錯特錯，直指食Five Guys不能與麥當勞一樣食套餐，因為單是一個漢堡包已經會好油膩，「唔可以喺Five Guys當麥當勞咁配餐，單係一個包/一份薯條/一杯奶昔已經飽到上心口。少食多滋味」。事主指由於此事是她第一次食，所以不知要如何點餐，更指因此有被朋友恥笑：「食Five guys整咗個麥當勞出嚟」。

網民炮轟：真係好貴！

不少人都認同事主的意見，認為Five Guys價錢太貴而且與食物質素不成正比，「真係好X貴」、「個人覺得好難食」、「食咗一次之後都冇再去食」、「200蚊鋸扒好過啦」、「食過一次唔覺得有乜好食，牛肉又係乾，d醬又唔啱口味，價錢又……無下次了」、「我去過兩次，都是一漢堡，一薯條，一汽水。中環食物質素可以，俾呢個價錢完全接受，但荃灣差d，有唔抵嘅感覺」。