00後被狠批用WhatsApp辭職 HR怒呻用9字回覆 網民意見兩極

00後辭職WhatsApp通知 HR怒呻：「基本禮貌都冇」

有打工仔在「香港討論區」發文分享職場趣事，他指有位00後同事，上班2個月後決定辭職，而一般公司辭職都會用電郵發送一封正式的辭職信，但該00後同事卻只用WhatsApp作簡單通知就算。

即使HR要求他發送一封正式電郵通知，但這位00後同事都一於少理，令HR大感無奈又憤怒，直指他「連基本禮貌都唔識」。

雖然被HR怒斥沒禮貌，但網民指該00後同事對於毫無表示兼不解，更認為自己已經不打算做落去「點解仲要跟咁多規矩」，加上他認為自己都只是通知公司，不明白為甚麼不能使用WhatsApp通知。

網民意見兩極「唔理HR都奈佢唔何」

貼文引起不少打工仔發表意見，更意見兩極。認為應該要發電郵的網民指「後生仔咩人都有，算吧啦」，也有網民表示現在任何事情都用電話解決「時代唔同咗，依家咩都用wts」「早幾年已經過見過有同事用WhatsApp 辭職，打電話拒接，乜都淨係用WhatsApp回答，真係吹佢唔脹」。有支持00後的網民就指「口頭辭職都有效，何況用WhatsApp」「法例規定辭職一定要 Formal letter？」。有網民更叫樓主不要太高要求「有個新同事返咗兩日，下午消失左，人都不見」。