VR係乜東東 商機有幾大?

社會熱話

廣告

上個月股市有兩隻明「升」股,其中一隻係舜宇光學科技(02382),淡市之下破頂創新高不特止,升幅亦相當可觀,最高曾見25.65元,較去年收市價升了45%。另一隻係網龍(00777),上月曾見27.2元,今年最高升幅亦達26.8%。

舜宇光學今年股價升勢強勁

兩隻股都有一個共通點,就係受惠於虛擬現實(Virtual Reality, VR)。究竟VR係乜東東?點解會咁把閉?

所謂VR係用電腦模擬一個三度空間,使用者戴住特製的器材,就好似親歷其境一樣。舜宇光學就係VR裝置如OculusRift及HTC Vive的鏡頭供應商之一,網龍則由發展手機遊戲轉型到VR教學材料,開發VR產品組合及3D學習內容庫,所以紛紛才被市場熱捧。

其實唔少公司都十分睇好VR市場,至今,Oculus Rift、Samsung Gear VR、Sony PlayStation VR、Google、阿里巴巴都積極發展VR,就連華為、小米都加入戰團,New York Times 都可以用VR cardboard黎睇新聞片。

睇黎VR將會普及化,成為新的兵家必爭之地,究竟VR可以做到D咩呢?

1. 電子遊戲

愈來愈多遊戲採用VR技術 (中新社圖片)

不用多說,Sony PlayStation VR已經擺明車馬,今年10月勢打入VR 遊戲市場,仲話「Don’t just play. Live the game」。當年Wii 推出風靡一時,就係因為能將身體動作加入遊戲中,現在VR帶給人的真實感更勝Wii,相信VR在電子遊戲界中所產生的盈利是深不可測。

想知更多有關2016/17 VR遊戲,可看以下面段