IVE連登仔獨闖英國燒錢 搵工「超無力」轉行藍領：日日比人當狗咁Order

港男移民英國感無力

日前，有網民以「黎到英國，更加感到自己有幾無力」為題發文，指自己帶著為數不多的儲蓄獨自前往英國，但當地生活未如理想。

該網民指，自己從香港專業教育學院（IVE）畢業，其後做了幾年文職，適逢英國提供BNO Visa便計畫外出闖闖。

到埗後，該網民發現自己完全找不到文職工作，由於自己沒有特殊技能，即使後來嘗試考Qualification（證書）也沒有幫助，也令他花費掉所剩不多的儲蓄。

為了生計，該網民最終選擇工廠工作，因為毋需高學歷和高技能，而且勞動力需求大。不過他認為工廠工作人工低且前途有限，直言「做工廠根本唔係辦法」，更難忍受的是「日日比人當狗咁叫你做快啲」。

除此之外，該網民表示自己的朋友不多，試過認識當地的新朋友，但彼此的價值觀相距甚遠，無法融入圈子當中。

在英國的遭遇都令他大感挫折，不禁慨嘆「冇咁上下資本，根本冇資格喺依邊立足」，於是在網上發帖吐苦水，又預料到網民會取笑自己。

網民譏笑：你太自信！

不少網民認為，事主的困境是倉促移民、沒有做好事前準備所致。也有又有網民認為，事主應該放低身段，不要介意先從低做起：

• 「怪就怪自己太有自信，無計劃諗住船到橋頭自然直？」
• 「你讀ive，做文職，揾份工廠賺得多過做白領啦，你估英國白領好好揾好有地位咩」
• 「所以嚟緊如果有港人回流，就係你呢一批人冇錢、冇本事、冇能力嘅人，咁咪返番香港躺平囉」
• 「睇你嘅心態係移民定走難架姐」
• 「得少少錢就走老實講真係弱智，身邊走得嘅friend絕大部分都係有學識兼屋企有d錢」
• 「冇錢、冇學歷、冇技能都咁多要求」

也有網民建議事主在當地學一門手藝來擺脫目前困境：

• 「學門手藝都好，跟人學做裝修都搵到食」
• 「你不如睇下去做風火水電其中一項啦，搵到錢，係辛苦啲。如果你想做office，就真係要努力搵下。」
• 「反而覺得唔好期望咁高，其實移民做藍領好正常，好多人做下做下過世，咪又係咁做，除非你英文好叻，本地人level」

延伸閱讀：移民前100小時港爸臨陣退縮 公開老婆「公主病」4宗罪：佢真係適合移民咩？

延伸閱讀：內地00後帶隊領跳「進化版廣場舞」：幾十秒高潮每月穩袋過萬人仔