7-11兼職要求「十項全能」 港男便利店血淚史：收錢、上貨、烚麵一腳踢！
廣告
不少學生、主婦都喜愛到便利店做兼職。不過，有港男在討論區分享自己曾經在便利店兼職幾個月的慘痛經歷。不但覺得便利店員工要求十項全能，但時薪卻只有「雞碎咁多」，而且在社會中亦被視為「低下工作」，覺得不論薪酬抑或待遇都極不合理，不明白為何仍有人願意做。
細數便利店3宗罪
1）長期站立無得坐
港男便利店第一宗罪是，工作時需要長期站立，而且每個人入黎都要講歡迎光臨之類的說話。又要收錢，推介優惠，又要成日望住d客有冇偷野，質問為何「咁多工作要求都夠膽淨係比最低工資？」
2）上落貨「搬死人」
第二宗罪是，上落貨「搬死人」。樓主指出，超市店員「收錢就淨係成日係度收錢。」不用兼顧其他工作，相反便利店就要求店員要上落貨。
有時個倉多貨，真係搬死你。尤其係水同啤酒，個倉又細，好易整親。又成日要你每箱check有冇貨上，基本上係不停咁搬，又會被同事叫出去幫手收錢，真係好煩。
3）我手得一對，你地啤住我做乜
第三宗罪是，在便利店工作經常會遇到麻煩客人。樓主表示做開旺區，店內經常大排長龍，但有客「就係唔醒水」，動作特別慢，連累隨後的客人便會望著自己，令他倍感壓力。直言：大佬呀，我手得一對，你地啤住我做乜
而且交費客人，成日一交就交幾樣野，搵錢又慢慢搵，跟手又拉籠啦，後面排隊d人又比面色我睇，都係嗰句，你想我點，唔通唔比人交費？
網民：起碼90蚊一個鐘
樓主更表示自己的時薪最低只有43元，引來不少網民為樓主抱不平，認為便利店店員薪酬值得更高。
- 「又要記煙名，做有熟食個啲又要做多樣野，人工都只係高最低工資少少。」
- 「無錯，便利店店員一腳踢，工作忙，客又麻煩，人工值得更高。」
- 「仲要識數煙呢，唔食煙都要記咁多牌子。」
- 「起碼90蚊一個鐘，辛苦錢！」
亦有網民勸勉樓主不如轉行：
- 「Respect，真係唔易做。」
- 「不如做保安，行行企企又一日。」
- 「感覺員工們工作一夜後都筋疲力盡了」
亦有多年前在便利店打工的過來人，憶起當年第一份暑期工便是返便利店，感嘆這份工作令自己成長不少：
- 「記得當年第一份暑期工就係做便利店，當年20/hr，飯盒好似都係廿蚊，到而家都幾深印象因為四千幾蚊糧真係辛苦錢，一出糧就請屋企人食餐好嘅。」
圖片來源：政府新聞處、Unsplash@alison pang
