盤點大學5個「中伏」科目 表面風光以為好吸引：出嚟搵工懷疑人生！

1.BBA 工商管理學學士

BBA向來是大學中的熱門學科，畢業生其中一個就業方向是做ibanker，職位體面而且人工高，不過該學科每年收生眾多，不少網民都感概並非每人都能躋身「金融才俊」之列：

• 「中學Jupas個陣個個都好想讀，以為讀完出黎搵大錢」
• 「呢科真係伏到癲，中學生唔識嘢以為好好境」
• 「bba都要睇咩科架，揀marketing, management個d就真係垃圾啦」
• 「大學科科都一樣學費，BBA 最唔抵，如果你成績好，讀BBA簡直係浪費 ，上堂、做功課、present 基本上同讀中學差唔多，不過如果想hea又真係最好選擇」

2.會計

不少同學都希望讀會計，畢業後進軍金融業，不過很多網民都呻會計「有返工冇收工」，而且人工低競爭大：

• 「諗住讀完出嚟可以做金融才俊」
• 「成為金融業嘅底層，IPO 為例，Big4 比起ibank 收少好多，入面班人又低人工好多」
• 「Fresh grad 得最低工資，做Local / Commercial 考埋CPA 都係3皮，入Big4 又唔夠班science/econ/qf 玩，入到個班又要捱peak，OT到半夜」

3.心理學

Jupas收分較高的心理學，不代表有好的出路，不少網民指心理學畢業生想要穩定就業，最少要取得Master學位：

• 「個名好似讀完識讀心咁，查實唔讀上去冇工開」
• 「讀個陣都好有興趣，投入職場就懷疑人生」
• 「全世界心理學要有工開，全部一樣都要Master或者Doctor，分別在於精英之餘，香港位少，外國位多少少」

4.Pharmacy 藥學

不少網民指近年香港藥劑師的需求已經飽和，畢業生們就業壓力大：

• 「僧多粥少得好緊要」
• 「讀就讀到成隻狗咁，出嚟就做醫生隻狗」
• 「有工就係，要移民都煩，出面唔洗太多pharm」
• 「入到HA就係， 未計自己仲要嘔一筆出嚟讀兩年Part-time Master，一般診所/ 私人公司/ NGO 35000左右，連鎖藥房4字頭，除咗Aeon 」

5. Nursing 護士

最受網民爭議的是護士學科，有人實習後發現理想和現實相差太遠，護士工作量大到讓人吃不消，不過也有網民認為護士薪金可觀，未算「很伏」：

• 「叫做保你穩定，但一定唔會係發達個d，返工開shift又攰，算係有資格做樓奴，但要上中產都係難」
• 「缺人做，唔缺人讀，好多人讀完出嚟都唔做」
• 「實習個下，真係好大陣伏味，好多人都係因為實習，先發現自己唔啱做姑娘」
• 「Nursing 明碼實價，講到明辛苦，但起薪至少3萬幾」

除此之外，也有不少網民認為傳媒系、政治與行政學系等人文學科較「伏」，理由不外乎就業難、人工低及工作量大。

不過，「伏」與「不伏」因人而異，從追求知識角度出發，同學只管憑興趣選科，況且很多人的職業也和大學主修無關，依然做得開心又滿足，所以即使入讀所謂伏科也毋須擔心。

延伸閱讀：嫌棄女友賣保險月入1萬 年薪百萬男友力數不滿：冇業績就搵親戚朋友！

延伸閱讀：人妻首置比市價貴100萬 後悔相信經紀火速簽約：做足6個月功課都冇用！