港男見工被蚊型公司HR連串3次「我地唔講英文㗎喎」：做過大公司都俾人蝦！

「In咗同一行3間tier 2 公司，三間都同我講：但我地公司唔似你地公司咁大，冇咁好 exposure、冇你地d金額咁大之類。再唔係又話，你做慣咁大走入嚟，我地唔講英文㗎喎得唔得㗎。」

樓主經歷3次面試後，發現做過大公司後，難以回到細公司工作，並詢問大家是否有同感。

網民：做大公司移民都方便啲

話題隨即引起一眾打工仔熱烈討論，大公司支持者認為，公司規模越大福利前景亦會更好，而且如果考慮移民的話，跨國企業的營收性會較高，因此有得揀梗係揀大公司：

• 「細公司做到識飛，無人識你有鬼用。」
• 「係外國做嘢如果想轉工真係大公司有優勢，大公司光環好重要。」
• 「起步一定係大公司，大公司唔一定樣樣好，但至少學大公司嘅workflow 同 concept。」

網民：大公司做嘢輕鬆好多

除了職業前景，更多網民考慮到大公司的資源較充足工作環境亦夠舒適，不會少少錢亦斤斤計較，工作上即使遇到問題亦會有人支援。

• 「大公司無論exposure定deal size都無得輸，support又齊全，office又靚，請人budget又多啲，就算同人講你做咩公司都自信啲。」
• 「外資大公司係學到野，高層睇野個視野係唔同，可以俾錢解決嘅就俾錢，做嘢輕鬆好多，又有效率」
• 「大公司有錢，可以解決好多問題。我之前細公司部垃圾printer, scan超過20張紙會食紙，所以要企係隔離睇住佢scan，又慢又煩，而家大公司可以成份幾百頁放入去scan，返埋位飲啖水先。」

網民：細公司有人情味好多

亦有打工仔認為，不是所有大公司都出手闊綽，細公司是靈活性較高，在處理問題時亦較人性化。

• 「有D大公司都好度縮。」
• 「細公司做野未必有大公司咁多sop同程序制肘。」
• 「但講真..細公司真係學左好多野..本人就比較鍾意細公司。」
• 「大公司無乜人情味，有乜事HR召你上去的話，人情都無得講。細公司就無依D野，當然，以環境而言，需要屈就、屈就﹗」

延伸閱讀：職場新人返工餐餐帶飯 老闆怪責離群被「情緒勒索」：自己一個食有咩問題？

延伸閱讀：職場新人見工、HR無睇學歷 感慨公開試成績表變廢紙：大家點樣耍走親戚？