職場10大「禁語」一秒焫著打工仔 腦細惡行大公開：邊個畀你準時收工！
廣告
職場人際關係是一門深奧學問，「說話藝術」可謂是人生的必修課，打工仔在職場上一旦失言，分分鐘與老闆、同事的關係跌至冰點。有網民在Faceboook專頁發文，分享自己在辦公室聽過比粗口更難聽的說話，當中不乏人身攻擊。
職場十大禁語
有網民在Facebook專頁「奴工處」中以「一人一句職場上難聽過粗口嘅說話」發帖，引來不少網民紛紛留言表示身同感受，並總結十大職場尖酸刻薄說話，而且當中大部分出自「上司把口」，身為打工仔的一份子，你可以聽過以下說話：
- 「OT唔代表你勤力，只係你Time Management差。」
- 「而家咁嘅時勢，畀份工你做當我神咁拜啦！」
- 「病咗大晒啊？」
- 「你經驗同資歷好強，是好合適的人選，不過佢deserve升職。」
- 「呢樣嘢應該好簡單㗎咋喎。」
- 「出嚟做嘢最緊要唔好怕蝕底！」
- 「我請你返嚟係做嘢，唔係學嘢！」
- 「你做到嘢先俾多啲task你做啫！」
- 「畀個心公司！做野主動啲！」
- 「我副身家夠養埋對仔女過世呀！隨時執左間公司，唔駛養住你哋班咁嘅人呀！」
腦細：唔畀準時收工！
留言區內亦有不少打工仔大吐苦水，其中有位網民大呻前腦細不允許員工準時收工，更過份的是，該網民出糧時，前老闆竟表示：「今個月你返工準時所以畀$200蚊勤工你，多謝我喇！」該網民即刻焫著，「果刻想換曬一亳子掟佢！」
亦有在同一個崗位工作了5年的網友表示，前腦細一直強調該網友在公司可有可無，「你覺得唔適合呢個公司嘅可以走㗎！我再請返個」，但當網民遞信離職，老闆態度即刻180度大轉變，並表示該網民能夠升職兼加500元人工，「你做緊啲打雜工作我會請返個妹妹仔做架啦！」
無論如何，每個地方的職場總會見盡人生百態，就似一個微型社會。各位打工仔努力返工只為出糧一刻，面對公司看不過隔的地方時，不妨「圍爐取暖」，可以從中得到安慰。
圖片來源：unsplash@frantic、unsplash@elisa_ventur
