失業半年 見工解釋真空期 話自己放長假唞下必死無疑、只講疫情影響就夠？仲有一招是甚麼？
撰文：經一編輯部｜圖片：unsplash、香港討論區截圖
該網民於香港討論區開post，以失業半年!真空期俾hr問到口啞啞為題，看到標題都可以想像到樓主有多苦惱。事實上，統計處昨日（19/1）公佈本港最新失業率為6.6%，為16年來最高，意味約24萬人與樓主一樣失業無工開。
到底失業一段時間後見工遇上樓主的情況該如何回應？網民的反應不一，以下就留言歸納出三大類回應，然而每類都各存在漏洞，建議讀者只作參考。
第一類：疫情影響都無辦法
話疫情囉
𠵱家時勢失業半年不出奇
今時今日一年半載真空期真係唔奇
有網民認為現時受疫情影響下，百物蕭條，失業半年絕對見怪不怪，建議樓主把失業理由推塘於惡劣的時勢下。然而，樓主與部分網民均對這類回應「不收貨」，認為對招聘一方而言，將以不同角度看待此回應，並期待更實質回應。
hr睇法可能想你講多少少，即使疫情下，你都無浪費時間
唔關疫情事，係睇你個人積唔積極
第二類：出賣家人
話要照顧屋企人，加上想尋覓適合既工作發展囉
搬埋老母死出黎 HR都仲有嘢駁嘅. 我寫個服字…
有網民分享自己經驗，指曾老作和出賣家人，訛稱家人有重病所以因照顧家人故失業，該網民更指此招非常「屈機」，相信對方聽後都無法回應。但有網民認為此招亦難逃閱人無數的HR法眼，並指為了見工要出賣家人非常扭曲和不孝。
第三類：放假長唞類
話唞吓去吓旅行咁
因為唔想做想休息半年
點解唔可以答放假休息下
部分網民留言建議樓主可坦白直說自己想放一個悠長假期，畢竟工作是一輩子的事，放自己一個長假沉澱絕對值得。此類留言亦引起網民對本地職場文化的討論，認為只有本地職場才會對所謂真空期如此執著：
係香港人至會care人哋空窗期。揾外資公司啦!
真空期根本唔關事，請人係睇能力同資歷。
在看過網民三大類回應後，不知讀者們又有甚麼想法呢？事實上，見工時HR所問的問題，許多時都出於想進一步了解應徵者，例如：應對能力、工作態度和性格等，故所謂真空期問題很大機會只是個幌子，如果認真，你就輸了。
延伸閱讀：畢業生首份正職悟出職場生存大法 要謹慎對待同事關係、唔好同公司講心：淨係信自己份糧！
