打工仔 100萬

打工仔月入4萬揸100萬存款:同女友結婚畀首期 VS 讀牛津MBA自私追夢?

職場熱話

廣告

人生總會面對許多抉擇,若然打工仔有100萬存款在手,會選擇先追夢還是成家立室?近日有打工仔在討論區發文,拋出同樣的選擇難題與廣大網民討論,有人揶揄:「到底係咩人先會夢想讀MBA咁搞笑。」

打工仔 100萬
(圖片來源:unsplash@Jon Tyson)

打工仔兩難

有網民在連登討論區以「在職人士想去牛津讀MBA」為題發文,與廣大網民討論面對愛情與夢想時的抉擇。

樓主指,假設工作月入3、4萬,有位感情穩定的女朋友,現時有100萬銀行存款,足夠付首期結婚,同一時間,得到牛津大學工商管理碩士(MBA)課程的offer,但學費要100萬。

樓主表示自己或會選擇委屈女朋友,選擇後者,並拋出問題與網民討論:「你哋會選擇買樓結婚繼續依家嘅工作,定係放棄依家嘅工作追逐夢想讀MBA,希望讀完有一日可以事業有好發展?」

網民:最緊「要分到莊閑」

網民意見兩極,有人認為做決定最緊要「分到莊閑」:

  • 「成家立室、買樓如果對你係好重要嘅,就做咗先。」
  • 「同全世界叻的人交流下開下眼界,好過係香港下下講錢講買股票買樓咁片面」

(圖片來源:政府新聞處)

有人認為如果讀MBA只為升職加薪,可以有其他更划算的選擇,例如香港大學的MBA課程,建議和女朋友先商量。

  • 「一係讀一個冇咁貴嘅MBA?一百萬好難回本」
  • 「國際大企業管理層讀先有著數
  • 「咁貴的MBA,係俾用公司錢保送進修的高級管理層,或者Daddy俾錢二世祖學做生意。」
  • 「去讀書係一種體驗,一份經歷,唔好期望攞住個學位就一定會平步青雲,都係要睇你個人有冇料。」
  • 「讀一個牛津MBA係唔會令人向上流,係向上流咗先去讀個MBA」

有網民認為機會難得,透過牛津MBA去見識世界,拓展人脈:

  • 「一定讀啦,去得依d地方讀書首要任務係識多d人,其次先係讀書」
  • 「你真係有offer,而你30頭就去讀,之後轉consultant就回到本」

有網民分享身邊人士讀MBA的經歷,「我識有個舊同事,早十年八年真係走去牛津讀了個MBA,讀完做返老本行IT狗。唔見佢有個MBA升得快過其他人,相信佢學費同失去嘅收入回唔到本。」

亦有網民揶揄:「到底係咩人先會夢想讀MBA咁搞笑。」

延伸閱讀:人妻瞞老公借「1球」炒幣輸身家 連埋外母棺材本負債200萬:中咗網戀天仙局

延伸閱讀:家用公價2022|上繳$30,000先准出夜街 好老公圍爐:其實男人要畀幾多家用?

圖片來源:unsplash@Jon Tyson、政府新聞處