專題青年實習計劃

故宮返工 四川養熊貓 18至29歲專題青年實習計劃

職場

廣告

【專題青年實習計劃】過多三個月暑假又到啦,唔想喺香港同其他人為Internship爭崩頭? 想得到與眾不同嘅經驗?民政事務局將於今年暑期舉辦四個不同主題嘅「專題青年實習計劃」,為香港嘅同學仔提供多元化嘅實習機會。

四個專題青年實習計劃

當中包括以文化保育為主題嘅「故宮博物院青年實習計劃」及「敦煌青年實習計劃」、以自然生態保育為主題嘅「四川臥龍國家級自然保護區青年實習計劃」,同埋以科學研究為主題嘅「中國科學院青年實習計劃」。

如果你係現就讀本港大專院校的學生,而持有有效香港永久性居民身份證及有效的回鄉證,並且修讀與活動相關學科,就已經合符參加資格啦!記住上去有關網站睇吓申請方法,截止報名日期及其他有關詳情啦,約埋同學仔一齊去啦!

「故宮博物院青年實習計劃」

故宮聽就聽得多,親身入去做『故宮人』喺故宮實習又有幾多個人可以有機會呢?是次活動將會挑選16位文化愛好者作文化體驗同參觀交流,仲可以選擇於故宮10個部門嘅擔任唔同職位添!

截止報名日期:2018年3月9日 (星期五)
面試日期:2018年3月24日 (星期六)
實習日期:2018年7月14日至2018年8月25日

「敦煌青年實習計劃」

文化保育嘅工作,可算係世界各地嘅一個熱門議題。為咗讓香港年輕一輩能夠更深刻地體會敦煌文化嘅底蘊,自從2016年,青年廣場每年都舉辦交流團前往敦煌作實地考察及文化交流。

今年大會亦會有15個名額俾對藝術欣賞、文化保育、藝術學習和體驗及承傳有興趣嘅同學仔,喺敦煌研究院的專家學者親自帶領之下,進行為期六個星期嘅培訓與及實習,近距離接觸珍貴嘅文化遺產、感受敦煌文化嘅博大精深、認識及觀摩極具歷史價值嘅文化瑰寶、了解保育工作嘅重要性!

簡介會及培訓: 2018年2月26日(星期一)
截止報名日期: 2018年3月9日
面試日期:2018年4月12日 (星期四)
實習計劃前簡介會日期:2018年6月1日 (星期五)
實習日期:2018年7月8日至2018年8月18日

「四川臥龍國家級自然保護區青年實習計劃」

由香港特別行政區政府民政事務局(特區政府)主辦,香港海洋公園(海洋公園)、四川臥龍國家級保護區(臥龍)及中國保護大熊貓研究中心合辦。活動目的係為加強年輕人對大自然嘅保護意識同埋為兩地青年提供促進文化交流合作嘅平台。
呢嗰活動會為16位參加者提供到四川臥龍國家級自然保護區為期六週的實習機會,唔止可以提供自然保育和生態旅遊方面的專業培訓及實際工作經驗,仲有利佢哋將來嘅職業發展架!

截止報名日期: 2018年3月9日
面試日期:2018年3月17日
實習日期:2018年7月中旬至2018年8月下旬

「中國科學院青年實習計劃」

活動將會喺中國科學院導師嘅带領下喺唔同部門進行實習研究工作,為期六星期,確實日期待定。當中包括學生交流、文化體驗及交流訪問等。
截止報名日期: 2018年3月9日
面試日期:2018年3月18日
實習日期:2018年6月底至8月初

相關文章:

新仔入行做到總監 10年升7次戶外廣告業有景