hku space

HKU SPACE舊生自稱HKU畢業 HR拆穿獲網民力撐: 做百佳唔通CV寫長和咩?

職場熱話

廣告

打工仔若畢業於名牌學府,找工作時或有一定優勢。近日有HKU Space畢業生自稱HKU畢業,不過HR眼見畢業證書由HKU SPACE發出,提醒事主要如實填寫,引來事主狠批「睇我唔起呀?」不過網民紛紛力撐HR,並揶揄「如果你喺百佳做,唔通CV寫長江和記實業咩?」

hku space
(圖片來源:unsplash@space_launch_system)

HKU SPACE舊生自稱HKU畢業

有打工仔在facebook專頁「奴工處」發文,指HKU SPACE(香港大學專業進修學院)畢業的事主在簡歷上寫HKU(香港大學)畢業,HR發現後提醒事主要在見工表格上如實填寫HKU SPACE畢業。事主認為HR無知,反問道:

「乜佢身為HR唔知SPACE都係HKU一部分?定係睇我唔起呀?」

貼文引起網民廣泛討論,不少網民力撐HR,認為HKU Space 和HKU 不能混為一談,又認為事主「自己睇唔起自己」:

  • 「HKU SPACE只係附屬學院,兩回事」
  • 「HKU SPACE喺係HKU之下,但唔代表可以直接寫HKU」
  • 「我係HR,第一個唔會考慮你,因為你基本邏輯都有問題」
  • 「唔同就唔同啦,係佢自己睇HKU SPACE唔起啫……」
  • 「HR只係叫你寫番清楚就等於睇唔起,你係咪諗太多? 同埋,你點解唔想寫清楚? 故意? 點解?自己都睇唔起HKU SPACE? 究竟邊個諗太多」。
  • 「HKU SPACE畢業不可恥,千方百計隱瞞自己響邊度畢業,咁做係無恥。」
hku space
(圖片來源:HKUSPACE官網)

也有不少網民舉一反三,指自己牛津畢業,不過是「牛頭角津貼小學」。

  • 「范瑋琪當年成日強調自己哈佛畢業,之後俾人踢爆係Harvard Extension School, 咁樓主覺得係范瑋琪有問題定其他人太執著」
  • 「之前係劍橋做教授,劍橋護老院嘖」
  • 「如果你喺百佳做,唔通CV寫長江和記實業咩?」
  • 「我有英國劍橋大學學歷證明,簡稱 ielts」
  • 「咁中學讀中大校友會陳震夏,係咪都可以當中大畢業?」
  • 「哈爾濱佛教大學畢業也不能簡寫哈佛畢業。」

HKU SPACE開辦逾30項課程

據官網介紹,香港大學附屬學院自2000年起為中學畢業生提供副學位課程,學院開辦的副學士、高級文憑及基礎專上教育文憑課程涵蓋多個不同範疇。目前,學院的學生人數接近7,000人,開辦的副學士及高級文憑課程超過30項。

成功修畢學院任何一項副學位課程的學生,均按香港大學體制,經香港大學專業進修學院頒授廣受社會各界認可的副學位。

延伸閱讀:鮑威爾不停放鷹 美股未能走出熊市 大行咁睇納指走勢

延伸閱讀:Meta Amazon科技股價插水|散戶築血肉牆城 破紀錄光速撈底

圖片來源:unsplash@space_launch_system、HKUSPACE官網