打政府工壓力爆燈發惡夢 「返政府都頂唔順 不如咪返工」｜網民熱話
撰文：麗爾| 圖片：電視截圖、unsplash
樓主表示去到office 啲嘢基本上無停，夜晚瞓覺又發惡夢，想知有咩減壓方法。佢提到自己部門係公認overload，翻咗幾日已經開始懷疑人生。仲要喺上一手個櫃桶搵到張紙仔寫住「good luck」。
樓主有補充自己並非做緊派4000蚊，工作性質係處理投訴多。
上司唔好先係最大問題
好多人都好奇政府工唔係應該hea兼穩定？但除樓主投訴工作量多之餘，不少人都表示依家政府工真係越嚟越忙，「hea工不再」。要處理嘅文件越來越來，「又投訴又audit查數又每個月每季統計，上面班大佬就40.5日假成日放假」。依家平均每日ot三至四個鐘，
加上冇鐘claim，就快做死，完全唔明點解有人會話政府工好hea冇乜嘢做。
「處理投訴好辛苦架」
「仲要逐粒數解釋畀n咁多級嘅老闆，解完上面是但一個唔滿意又要重做，再用多一兩日」
「啲XX文件仲要雜亂無章，電腦system又古舊，想話做得有效率都難，根本成個政府都一成不變」
有過來人補充，好多政府工都好多嘢做，做到攞白卡嘅人多不勝數。多嘢做都係其次，上頭唔好先係最大問題。
政府工忙唔係最近嘅事
有網民解釋，無新制入去，舊制啲人點放假。「唔好諗咁多 節哀順變啦，我宜家呢到d舊制全部 4日工作週」。
討論區上亦有人表示，話政府工hea嗰啲可能做緊基層職位，例如ca，aco，應該無咁忙。
有做政府工嘅網民提到「其實做落就知，政府大把人經常ot，對市民嘅又惡做。以前既政府工 同 家下既低職位咪HEA」。
政府工忙都唔係呢一兩年嘅事，工作時數已經同私人市場冇大分別(但係office 環境好大分別)，大把人ot 到10點11點。
「其實打工（特別工程），只有18層地獄同17層地獄比較。我相信政府工程起碼17層掛，唔會比私人市場再慘。私人市場開始炒人，炒完d工作比d生還者繼續做」
有網民建議可以轉水務處，工作會好hea。不過留意返，水記亦真係好多投訴，一關於水，係咪都投訴左先。
