人工$13,000仲要住劏房 上到公屋已經係人生贏家|網民熱話

人工$13,000仲要住劏房 上到公屋已經係人生贏家|網民熱話

【劏房・網民熱話】筆者係啱出世無耐,就面臨家道中落危機,住嘅地方每況愈下,到我升上小學5年班果陣就已去到住劏房嘅局面。一張雙層床,上層係我同家姐,下層就雙親;煮飯就用gas爐,廁所我就唔會用共用果個,而會選擇去最近運動場嘅更衣室,因為實在乾淨得太多太多!

撰文:Purple弟弟 | 圖片:新傳媒圖片庫、unsplash

好多人都會驚曱甴,我都係!但自從住過劏房之後,對曱甴就無乜感覺,最差係試過夜晚起身想去廁所,貪方便一下跳落地下唔用梯,結果我感覺到我赤裸嘅腳板有一陣涼氣…為咗改善居住環境,申請公屋當然一早做咗,只係一年又一年,音訊全無!

劏房 單位 公屋 人工 人生贏家 網民熱話
圖片:unsplash

結束3年劏房生活

而我老豆係房署嘅看更,眼見其他人條件同自己差唔多,申請時間仲遲,但都已經排到樓,於是都忍唔住趁啲高層落去食lunch果陣捉住佢地問清楚!

雖然唔知關唔關事啦,但一個月後我地就收到通知,係天水圍嘅單位,如是者結束咗我3年嘅劏房生活!

劏房 單位 公屋 人工 人生贏家 網民熱話
圖片:unsplash

住咗公屋之後,我唔洗再去更衣室沖涼,唔洗再去自修室同人搶位,我明白到住係幾咁重要!

但現實總是殘酷嘅,樓價天咁高,我大學畢業第一份工先$13,000多少少,你唔好同我講咩理想,我想先有地方住!

劏房 單位 公屋 人工 人生贏家 網民熱話
圖片:unsplash

如果根據馬斯洛的需求層次理論去睇嘅話,實現理想應該就係最高嘅第五層-自我實現需求,咁要去到第5層一定要先行完頭果4層,我又睇睇自己行到去邊?

劏房 單位 公屋 人工 人生贏家 網民熱話
圖片:unsplash

第一層-生理需要?我唔愁衣食住行,都叫做過關;第二層安全需求又如何?

無地方住要日曬雨淋喎,不過用呢個做例子實在太唔貼地,換一個例子,我買唔到樓逼住租,要比業主威脅甚至加租搞到你精神健康受壓,生活唔穩定,原來我只係去到第一層…

依家諗返先發現,無理想其實都好合理……

圖片:unsplash
圖片:unsplash

 

 

相關文章