旅行起碼買到個開心 13,000蚊人工 去旅行反而更慳錢|Purple弟弟|網民熱話

旅行起碼買到個開心 13,000蚊人工 去旅行反而更慳錢|Purple弟弟|網民熱話

【旅行買開心・網民熱話】唔知由幾時開始,人人都覺得年輕一代只係識去旅行,唔會儲錢,唔會諗將來,鍾意及時行樂。當我出到社會工作,13,000蚊人工,我發現的確有唔少後生仔上車無望,儲錢無目標,不如將錢花係自己身上,起碼買到個開心。

撰文:Purple弟弟| 圖片:unsplash

旅行更慳錢

不過當我自己去多幾次旅行之後,我發覺,旅行其實根本唔係花大錢之事,尤其係去東南亞地方,反而去多幾次你仲慳返唔少添!

如果同樣係放7日長期,假設你要係香港同女朋友過,淨係酒店都講緊收你最少500蚊一日!

仲要未計香港酒店其實好細,去東南亞地方如泰國、越南,200蚊鬆啲已經可以住得又大又舒服。

旅行, 人工, 開心, 旅行, 慳錢, 食米唔知米貴, Purple弟弟
圖片:unsplash

當然,200蚊未必係當地租到5星級大酒店,Book到嘅可能只係民宿或者air bnb,但已經比香港優質好多。

同樣係200蚊,你喺香港只係可以Book到時鐘格局嘅劏房 -只有一張床左右空間嘅房。

九成女朋友都唔會接受到,所以都係乖乖地比酒店呢500蚊。

旅行, 人工, 開心, 旅行, 慳錢, 食米唔知米貴, Purple弟弟
圖片:unsplash

有錢才是美食之都

喺香港食泰國嘢為例,炒碟通菜都收你最少70蚊,仲要勁細碟!

喺泰國你是但入一間餐廳,10蚊港幣已經可以食到一大碟有鑊氣、好食過香港餐廳炒嘅通菜。

即使係遊客區餐廳,比盡都係收你25蚊一碟,有時愈去旅行就越憎香港,要服務無服務,要質素就要比貴100倍。

旅行, 人工, 開心, 旅行, 慳錢, 食米唔知米貴, Purple弟弟

而且近年好興飲品店,尤其係乜乜奶蓋、物身黑糖鮮奶之類,賣到最平都20至30蚊一杯。

好唔好飲我唔評論,但當一個城市嘅嘢飲價錢逼近食一個正餐之時,其實已經好離譜!

不過可能我見識少,佢哋定價就係行奢侈、高檔路線,唔係平民嘢飲!

旅行, 食米唔知米貴, 人工, 旅行, 慳錢, Purple弟弟
圖片:unsplash

香港7-11嘅罐裝可樂都無咁平

但30蚊港紙,去其他國家有唔少已經可以坐喺一個舒適嘅開揚空間,聽住有情懷嘅古典音樂,整返杯Flat White。

更遑論東南亞國家好多街邊檔都有鮮榨果汁、普通奶茶咖啡咁,都係講緊7、8蚊一杯,連香港7-11嘅罐裝可樂都無咁平。

旅行, 人工, 開心, 旅行, 慳錢, 食米唔知米貴, Purple弟弟
圖片:unsplash

香港生活咩都貴 旅行最多都係貴在機票

喺香港玩7日(唔計有居所)消費貴過泰國、越南等地,同日本、新加坡等又差唔多。

咁其實已經可以斷言,我去旅行都只係貴在機票!

所以我絕對唔認同去旅行係使大錢,只係視乎你去邊,同點消費。

旅行, 人工, 開心, 旅行, 慳錢, 食米唔知米貴, Purple弟弟
圖片:unsplash

話去旅行貴嘅人只係食米唔知米貴,問問你父母煮一餐用幾多?問問父母交租用幾多?

留喺香港你之所以會使少咗,只係因為你同屋企人共同分配資源。

當有一日你同我一樣係孤家寡人,其實去旅行真係慳到錢!

旅行, 人工, 開心, 旅行, 慳錢, 食米唔知米貴, Purple弟弟
圖片:unsplash

有門路,仲可以幫人做少少代購賺埋錢都仲得!

而我哋年輕人之所以鍾意去旅行,更多唔係因為錢,而係我付出同等金錢,係外地比到嘅質素已經差天共地。

有人話去少幾次日本就買到樓,我就話,去多幾次旅行,身心、荷包都開心到暈。

旅行, 人工, 開心, 旅行, 慳錢, 食米唔知米貴, Purple弟弟
圖片:unsplash

相關文章